《台語荒漠甘泉（漢羅版）》

 | | | 轉寄

可靠ê助手

作者 陳清俊 譯 林俊育 漢羅翻寫 2011.11.13

listen
十一月十三（十一月十三日）

「我(góa) bat 伊(i)，是(sī) beh hō͘ 伊(i) 命令(bēng-lēng) 伊(i) ê kiáⁿ kap 伊(i) ê 家眷(ke-kòan)；hō͘ in 長長(tn̂g-tn̂g) 守(siú) 耶和華(iâ-hô-hua) ê 道理(tō-lí)，秉公(péng-kong) 行義(kiâⁿ-gī)；致到(tì-kàu) 耶和華(iâ-hô-hua) 旨(tsí) 亞伯拉罕(a-pik-la̍h-hán) 所(só͘) 講(kóng) ê 話(ōe)，lóng 歸(kui) hō͘ 伊(i)。」（創世記(tshòng-sè-kì) 18：19）

上帝(siōng-tè) 揀選(kéng-soán) 伊(i) 所(só͘) uē 信任(sìn-jīm) ê 人(lâng)，伊(i) 知(tsai) 伊(i) thang 期待(kî-thāi) 亞伯拉罕(a-pik-la̍h-hán) 做(tsòe) 事(sū)，對(tùi) 伊(i) 講(kóng)：「我(góa) 揀選(kéng-sóan) 伊(i)，伊(i) thang 吩咐(huan-hù)、教督(kàu-tok)、命令(bēng-lēng) 伊(i) ê kiáⁿ 兒(jî)，也(iā) 我(góa) 所(só͘) 應允(èng-ún) hō͘ 亞伯拉罕(a-pik-la̍h-hán) ê tāi-tsì,lóng beh 成就(sêng-tsiū)。上帝(siōng-tè) 是(sī) thang 信賴(sìn-lāi) ê，伊(i) 也(iā) 期待(kî-thāi) 咱(lán) 是(sī) siāng 款(khóan) ê 可靠(khó-khò)、堅定(kian-tēng)、穩定(ún-tēng)，這(tse) 就是(tsiū-sī) 信心(sìn-sim) ê 簡要(kán-iàu) ê 意義(ì-gī)。

上帝(siōng-tè) teh tshē 伊(i) 所(só͘) uē-thang 交託(kau-thok) ê 人(lâng)，thang 將(tsiong) 疼心(thiàⁿ-sim)、能力(lêng-le̍k)、信實(sìn-si̍t) 全然(tsôan-jiân) 託重(thok-tiōng) 伊(i)。伊(i) 是(sī) 火車母(hé-tshia-bú)，伊(i) ê 力量(le̍k-liōng) 真(tsin) 大(tōa)，拖(thua) 會(ōe) 行(kiâⁿ) 任何(jīm-hô) 重(tāng) koh tsuē ê 車箱(tshia-siuⁿ)。可惜(khó-sioh)，鉤(kau) tī 火車母(hé-tshia-bú) ê 索鏈(só-liān) 無(bô) 夠(kàu) 強(kiông)，無(bô) 夠(kàu) 勇(ióng)，thang 拖(thua) 咱(lán) 祈禱(kî-tó) ê 重量(tāng-liōng)。所以(só͘-í)，上帝(siōng-tè) 不斷(put-tōan) teh 訓練(hùn-liān) 咱(lán)，tī 信心(sìn-sim) 上(siōng) uē 穩定(ún-tēng) koh 堅固(kian-kò͘)，ǹg 望(bāng) 咱(lán) uē 學習(ha̍k-si̍p) 好勢(hó-sè)，uē 堅固(kian-kò͘) khiā tiâu-tiâu。──A. B. Simpson

上帝(siōng-tè) 知(tsai) 你(lí) uē 擋(tòng) 得(tit) 考驗(khó-giām)，若(nā) 無(bô)，伊(i) buē hō͘ 你(lí) tú-tio̍h 試驗(tshì-giām)。因為(in-ūi) 伊(i) 信用(sìn-iōng) 你(lí)，你(lí) tsiah 有(ū) tsiah-ê 試驗(tshì-giām)；無論(bô-lūn) 是(sī) juā 大(tōa) ê 試(tshì)，你(lí) lóng 擋(tòng) uē 過(kè)。伊(i) 知(tsai) 你(lí) ê 力量(le̍k-liōng)，計算(kè-sǹg) 到(kàu) 你(lí) ê 盡(tsīn) pōng。Ài 記得(kì-tit)，一個(tsi̍t-ê) 人(lâng) uá 靠(khò) 上帝(siōng-tè) 所(só͘) 賜(sù) ê 能力(lêng-le̍k)，伊(i) buē hō͘ 伊(i) 受(siū) tio̍h 所(só͘) buē-tàng 忍受(jím-siū) ê 試驗(tshì-giām)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org