《台語荒漠甘泉（漢羅版）》

 | | | 轉寄

修整清氣

作者 陳清俊 譯 林俊育 漢羅翻寫 2012.02.19

listen
二月十九(二月十九日)

「見若(kìⁿ-nā) 結(kiat) 果子(ké-tsí) ê，伊(i) 就(tsiū) 修(siu) hō͘ 伊(i) 清 氣(tshing-khì)，hō͘ 伊(i) 結(kiat) 果子(ké-tsí) koh-khah tsuē。」(約翰(iok-hān) 福音(hok-im) 15:2)

有(ū) 一個(tsi̍t-ê) 主(tsú) 所(só͘) 疼(thiàⁿ) ê kiáⁿ兒(jî)，常 常(siông-siông) tú-tio̍h 苦 難(khó͘-lān)，感 覺(kám-kak) 十 分(tsa̍p-hun) ê oh 理解(lí-kái)。Tī 一個(tsi̍t-ê) 秋 天(tshiu-thiⁿ)，伊(i) 行 到(kiâⁿ-kàu) 一個(tsi̍t-ê) 葡 萄 園(phû-tô-hn̂g)，lóng 無(bô) 整 修(tséng-siu)。葡萄 藤(phû-tô-tîn) suan到(kàu) ta̍k 所 在(só͘-tsāi)，土 腳(thô͘-kha) 也是(iā-sī) 雜 草(tsa̍p-tsháu) 發(huat) kah 一(tsi̍t) 四界(sì-koè)，kui ê 園(hn̂g) ná 親 像(tshin-tshiūⁿ) 無 人(bô-lâng) 管 理(koán-lí)。伊(i) 當(tng) teh 想(siūⁿ) 眼 前(gán-tsêng) 情 境(tsêng-kéng) ê 時(sî)，hit-ê 天 頂(thiⁿ-téng) ê 大(toā) 園 丁(hn̂g-ting) 細(soè) 聲(siaⁿ) tī 伊(i) ê 耳 孔(hīⁿ-khang) 邊(piⁿ) 講 話(kóng-oē)。伊(i) 一下(tsi̍t-ē) 聽(thiaⁿ) 了(liáu)，不 得 不(put-tik-put) 趕 緊(koáⁿ-kín) ài kap 人(lâng) 分 享(hun-hióng) tsit-ê 寶 貝(pó-poè) ê 信息(sìn-sit)。

「我(goá) 所(só͘) 疼(thiàⁿ) ê kiáⁿ ah，你(lí) 感 覺(kám-kak) 你(lí) 所(só͘) 受(siū) ê 試 煉(tshì-liān) 真(tsin) tsuē mah?會(oē) 記得(kì-tit) tsit-ê 葡 萄 園(phû-tô-hn̂g)，對(tùi) 伊(i) 來(lâi) 學(o̍h) 一個(tsi̍t-ê) 功 課(kong-khò)。園 丁(hn̂g-ting) tī 葡 萄(phû-tô) 收 成(siu-sêng) 了(liáu)，buē koh 結(kiat) 果子(ké-tsí) ê 時(sî)，伊(i) 就(tsiū) 停 止(thêng-tsí) 修 整(siu-tséng) 葡 萄(phû-tô) 叢(tsâng)，土 腳(thô͘-kha) ê 雜 草(tsa̍p-tsháu) 也(iā) 放(pàng) 伊(i) 去(khì)。因為(in-ūi) 結(kiat) 果子(ké-tsí) ê 節 季(tseh-kùi) 過去(kè-khì) lah，無(bô) 需要(su-iàu) koh hē 工 夫(kang-hu) 浪 費(lōng-hùi) 工(kang)。對(tùi) 人(lâng) 來(lâi) 講(kóng)，人(lâng) 若(nā) 無(bô) 受 苦(siū-khó͘)，人(lâng) beh 變 成(piàn-sêng) 拋 荒(pha-hng)、廢 物(hùi-bu̍t)、無(bô) 路 用(lō͘-iōng)。你(lí) ài 我(goá) 停 止(thêng-tsí) 對(tùi) 你(lí) ê 整 修(tséng-siu) mah?tshut-tsāi 你(lí) 去(khì) mah?」

伊(i) 滿 心(moá-sim) 得(tit)tio̍h 安慰(an-ùi)，大 聲(toā-siaⁿ) 講(kóng)：「M̄-thang 停 止(thêng-tsí) 整 修(tséng-siu)。」──Homera Homer-Dixon

會(oē) 結(kiat) 果子(ké-tsí) ê 樹 枝(tshiū-ki)，修 剪(siu-tsián)，整 修(tséng-siu)，
剪 了(tsián-liáu)，khah gâu 大(toā)，性命(sìⁿ-miā) koh 豐 收(hong-siu)。
新(sin) íⁿ，新(sin) 葉(hio̍h) 修 剪(siu-tsián) 去(khì)，
美好(bí-hó) ê 姿 態(tsu-thài) 也(iā) 無去(bô-khì);

歡 喜(huaⁿ-hí) ê 活 命(ua̍h-miā) 失落(sit-lo̍h)，美麗(bí-lē) 受(siū) 奪 去(tua̍t-khì)，
願 望(goān-bōng) 歸(kui) tī 土(thô͘)，受 傷(siū-siong) 拆 裂(thiah-li̍h)。

歡 喜(huaⁿ-hí) ah!
雖 然(sui-jiân) 願 望(goān-bōng)、夢 想(bōng-sióng)、希 望(hi-bōng) lóng 受 抽(siū-thiu)，
這(tse) 是(sī) 出(tshut) tī 上 帝(siōng-tè) 疼(thiàⁿ) ê 聖 手(sèng-tshiú)。

Giâ 刀(to) hit-ê 溫柔(un-jiû) ê 手(tshiú)，用(ēng) 剪(tsián)，用(ēng) 割(kuah)，用(ēng) 修(siu)，
是(sī) ài 你(lí) ê 性命(sìⁿ-miā) koh-khah 大(toā) 成 就(sêng-tsiū)。──Annie Johnson Flint


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org