《台語荒漠甘泉（漢羅版）》

 | | | 轉寄

切切祈禱

作者 陳清俊 譯 林俊育 漢羅翻寫 2012.04.29

listen
四月二九(四月二十九日)

「以利亞(í-lī-a) 是(sī) kap 咱(lán) 同 情(tông-tsêng) ê 人(lâng)，伊(i) 切 切(tshiat-tshiat) 切 切(tshiat-tshiat) 求(kiû)，」(雅 各(ngá-kok) 5:17)

多謝(to-siā) 上 帝(siōng-tè)，以利亞(í-lī-a) kap 咱(lán) 是(sī) siâng 性 情(sèng-tsêng) ê 人(lâng)！伊(i) 坐(tsē) tī 樹 腳(tshiū-kha)，ǹg 上 帝(siōng-tè) 出(tshut) 怨 言(oàn-giân)，表示(piáu-sī) 伊(i) ê m̄ 信(sìn) ── 親 像(tshin-tshiūⁿ) 咱(lán) 一 樣(tsi̍t-iūⁿ)。但是(tān-sī) 伊(i) 真 正(tsin-tsiàⁿ) kap 上 帝(siōng-tè) 接 觸(tsiap-tshiok)tio̍h，情 形(tsêng-hêng) 就(tsiū) 變(piàn) 無(bô) siâng款(khoán)。「以利亞(í-lī-a) 是(sī) kap 咱(lán) 同 情(tông-tsêng) ê 人(lâng)，」總 是(tsóng-sī)「伊(i) 切 切(tshiat-tshiat) 切 切(tshiat-tshiat) 祈禱(kî-tó)。」Tī 希臘(hi-lia̍p) 原 文(goân-bûn) ê 意思(ì-sù) 真(tsin) suí，m̄是(sī) 講(kóng)「切 切(tshiat-tshiat) 切 切(tshiat-tshiat)」，是(sī) 講(kóng)「伊(i) tī 祈禱(kî-tó) 中(tiong) 祈禱(kî-tó)」；換(oāⁿ) 話(oē) 講(kóng)，伊(i) 不 斷(put-toān) 祈禱(kî-tó)，tī tsia 教示(kà-sī) 咱(lán) 需要(su-iàu) 不 斷(put-toān) ê 祈禱(kî-tó)。

Tī Ka-bi̍t 山 頂(suaⁿ-téng)，看(khoàⁿ) 伊(i) 憑(pîn) 信 心(sìn-sim) kap 眼 光(gán-kong) 來(lâi) 發 生(huat-sing) hit-ê 偉大(úi-tāi) ê 故事(kò͘-sū)。以利亞(í-lī-a) 求(kiû) tuì 天(thiⁿ) 降(kàng) 火(hé) 來(lâi) khah 贏(iâⁿ) Pa-li̍k ê 先 知(sian-ti) 以後(í-āu)，需要(su-iàu) 有(ū) 落雨(lo̍h-hō͘) 來(lâi) 應 驗(èng-giām) 上 帝(siōng-tè) ê 預言(ī-giân)。Hit 位(ūi) 吩 咐(huan-hù) 火(hé) tuì 天(thiⁿ) 降 落(kàng-lo̍h)，也(iā) 用(ēng) siâng 方 式(hong-sik) 叫(kiò) 雨(hō͘) 降(kàng) 落來(lo̍h-lâi)。聖 經(sèng-king) án-ni 講(kóng)：「以利亞(í-lī-a)....屈 身(khut-sin) tī 地 裡(toē-ni̍h)，面(bīn) 仆(phak) tī 兩(nn̄g) 個(ê) 腳 頭(kha-thâu)u ê 中 間(tiong-kan)。」(列王 記(lia̍t-ông-kì) 上(siōng) 18:42)無(bô) 看(khoàⁿ) 一 切(it-tshè) ê 景 象(kéng-siōng)，無(bô) 聽(thiaⁿ) 一 切(it-tshè) ê 聲音(siaⁿ-im)，伊(i) 家己(ka-kī) kiu tī 袍(phàu) 內底(lāi-té)，對(tùi) 周 圍(tsiu-ûi) ê 一 切(it-tshè) lóng 無(bô) 見(kìⁿ) 無(bô) 問(mn̄g)。

以利亞(í-lī-a) 然 後(jiân-āu) 對(tùi) 奴僕(lô͘-po̍k) 講(kóng)：「你(lí) 上 去(tsiūⁿ-khì)，ǹg 海(hái) 看(khoàⁿ)。」(列王 記(lia̍t-ông-kì) 上(siōng) 18:43)奴僕(lô͘-po̍k) tńg來(lâi) 回 答(hoê-tap) 講(kóng)：「Lóng 無(bô) 甚 麼(sím-mi̍h)。」回 答(hoê-tap) kah tsiah 簡 要(kán-iàu)！咱(lán) 若(nā) tī siâng 情 形(tsêng-hêng) 下(ē)，會(oē) án-tsuáⁿ 做(tsoè)？咱(lán) beh 講(kóng)：「親 像(tshin-tshiūⁿ) 我(goá) 所(só͘) 料 想(liāu-sióng) ê!」然 後(jiân-āu) beh 停 止(thêng-tsí) 祈禱(kî-tó)。但是(tān-sī) 以利亞(í-lī-a) kiám 有(ū) 放 棄(hòng-khì) 祈禱(kî-tó)？無(bô)，事 實 上(sū-si̍t-siōng)，伊(i) 六(la̍k) pái 吩 咐(huan-hù) 奴僕(lô͘-po̍k)：「你(lí) koh 去(khì) 看(khoàⁿ)。」每(múi) pái 奴僕(lô͘-po̍k) lóng tńg來(lâi) 回 答(hoê-tap) 講(kóng)：「Lóng 無(bô) 甚 麼(sím-mi̍h)。」

總 是(tsóng-sī) tī 第(tē) 七(tsit) pái tńg來(lâi) ê 回 答(hoê-tap) 是(sī) 講(kóng)：「看 見(khoàⁿ-kìⁿ) 有(ū) 雲(hûn) tuì 海 裡(hái-ni̍h) 起來(khí-lâi)，細 細(soè-soè) 親 像(tshin-tshiūⁿ) 人(lâng) ê 手(tshiú)。」(列王 記(lia̍t-ông-kì) 上(siōng) 18:44)Tsit-ê 形 容(hêng-iông) juā-tsiâⁿ 適 當(sik-tòng)！因為(in-ūi) tī 雨(hō͘) 落(lo̍h) 以 前(í-tsêng)，一個(tsi̍t-ê) 人(lâng) ê 手(tshiú) giâ 起來(khí-lâi) ǹg 上 帝(siōng-tè) 祈禱(kî-tó)。雨(hō͘) 來(lâi) ê 時(sî)，是(sī) hiah-nih 緊(kín)，hiah-nih 大(toā)，以利亞(í-lī-a) 警 告(kéng-kò) A-ha̍p:「Tio̍h 備辦(pī-pān) 車(tshia) 落 去(lo̍h-khì)，免(bián) 得(tit) hō͘ 雨(hō͘) 阻 擋(tsó͘-tòng)。」(列王 記(lia̍t-ông-kì) 上(siōng) 18:44)

這(tse) 是(sī) 信 心(sìn-sim) kap 肉 眼(jio̍k-gán) 看(khoàⁿ) ê 故事(kò͘-sū)，信 心(sìn-sim) 除了(tû-liáu) 看(khoàⁿ) 上 帝(siōng-tè) 以外(í-goā)，無(bô) 看(khoàⁿ) 其他(kî-tha) 一 切(it-tshè)，但是(tān-sī) 肉 眼(jio̍k-gán) 來(lâi) 看(khoàⁿ)，卻(khiok) 看(khoàⁿ) 無(bô) 物 件(mi̍h-kiāⁿ)。這(tse) 是(sī) 繼 續(kè-sio̍k) tī 祈禱(kî-tó) 中(tiong) 信 心(sìn-sim) ê 故事(kò͘-sū)，雖 然(sui-jiân) 肉 眼(jio̍k-gán) 所(só͘) 看(khoàⁿ) ê 景 象(kéng-siōng) 完 全(oân-tsoân) 無(bô) 望(bāng)。

如何(jû-hô) 來(lâi) tuì 以利亞(í-lī-a) 學習(ha̍k-si̍p) tsit 種(tsióng) ê 祈禱(kî-tó) ──hō͘ 祈禱(kî-tó) 達(ta̍t)tio̍h 目 的(bo̍k-tik) neh?雖 然(sui-jiân) 周 圍(tsiu-ûi) ê 信息(sìn-sit) lóng 是(sī) 奉(hōng) 失志(sit-tsì) ê，總 是(tsóng-sī) m̄-thang tshap 這(tse)。咱(lán) ê 天父(thiⁿ-pē) 是(sī) 活 活(ua̍h-ua̍h) tī-teh，連(liân) iân-tshiân 咱(lán) 祈禱(kî-tó) ê 答 覆(tap-hok)，也(iā) 有(ū) 伊(i) ê 好意(hó-ì)。──Arthur Tappan Pierson

有(ū) 三(saⁿ) 個(ê) gín-ná 對(tùi) 信 心(sìn-sim) ê 定義(tēng-gī) 是(sī) án-ní，頭(thâu) 一個(tsi̍t-ê) 講(kóng)：「掠(lia̍h) tiâu 基督(ki-tok)」，第(tē) 二(jī) 個(ê) 講(kóng)：「掠(lia̍h) tiâu-tiâu 伊(i) m̄ 放(pàng)」，第(tē) 三(saⁿ) 個(ê) 講(kóng)：「無(bô) beh hō͘ 伊(i) 離開(lī-khui)，掠(lia̍h) teh m̄ 放(pàng) 手(tshiú)。」


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org