《台語荒漠甘泉（漢羅版）》

 | | | 轉寄

刺繡圖樣

作者 陳清俊 譯 林俊育 漢羅翻寫 2012.05.06

listen
五月初六(五月六日)

「耶和華(iâ-hô-hua) kap 敬 畏(kèng-ùi) 伊(i) ê 人(lâng) 親 密(tsin-bi̍t)。」(詩 篇(si-phian) 25:14)

上 帝(siōng-tè) ài 伊(i) ê kiáⁿ兒(jî) 學(o̍h) 伊(i) 好意(hó-ì) ê 奧祕(ò-pì)，表 面(piáu-bīn) 上(siōng)，伊(i) kap 人(lâng) ê 往 來(óng-lâi) ná 親 像(tshin-tshiūⁿ) 嚴 轄(giâm-hat) koh 隱 瞞(ún-moâ)。總 是(tsóng-sī) 有(ū) 信 心(sìn-sim) ê 人(lâng) 看(khoàⁿ) 會(oē) 出(tshut) 講(kóng)：「這(tse) 是(sī) 上 帝(siōng-tè) ê 奧祕(ò-pì)，lín 所(só͘) 看(khoàⁿ) ê 只是(tsí-sī) 表 面(piáu-bīn)，總 是(tsóng-sī) 阮(goán) 看(khoàⁿ) khah 深 入(tshim-ji̍p)，能(oē) 看(khoàⁿ)tio̍h 內面(lāi-bīn) ê 隱 藏(ún-tsông) ê 意義(ì-gī)。」

Ài 知(tsai)，鑽 石(soān-tsio̍h) 礦(khòng) ê 表 面(piáu-bīn) 是(sī) 粗 粗(tsho͘-tsho͘)，看(khoàⁿ) buē 出(tshut) 伊(i) ê 價值(kè-ta̍t)。上 帝(siōng-tè) ê 會 幕(hoē-bō͘) tī 曠 野(khòng-iá) 起(khí) 起來(khí-lâi)，外 表(goā-piáu) 無(bô) 堂 皇(tông-hông)，實 際 上(si̍t-tsè-siōng) 是(sī) 用(ēng) 海 狗(hái-káu) 皮(phê) 蓋(khàm) ê ná-tiāⁿ，一 點(tsi̍t-tiám)á 也(iā) 看(khoàⁿ) buē 出(tshut) 伊(i) 內面(lāi-bīn) ê 貴 重(kùi-tiōng)。

親 愛(tshin-ài) ê 朋 友(pêng-iú)，上 帝(siōng-tè) 所(só͘) 賜(sù) 你(lí) ê 禮物(lé-bu̍t)，可 能(khó-lêng) 是(sī) 用(ēng) 粗 紙(tsho͘-tsoá) 包(pau) ê 珍貴(tin-kùi) 禮物(lé-bu̍t)。M̄免(bián) 在意(tsāi-ì) 伊(i) ê 包 裝(pau-tsong)，因為(in-ūi) 你(lí) 確 實(khak-si̍t) 知(tsai) tī 內面(lāi-bīn) 有(ū) 仁愛(jîn-ài)、仁慈(jîn-tsû)、智慧(tì-hūi) 等等(téng-téng) 寶貴(pó-kùi) ê 禮物(lé-bu̍t)。若是(nā-sī) 咱(lán) 放 心(hòng-sim) 來(lâi) 接 受(tsiap-siū) 伊(i) 送(sàng) 來(lâi) ê，相 信(siong-sìn) 伊(i) 所(só͘) khǹg tī 內面(lāi-bīn) ê 福 份(hok-hūn)，咱(lán) beh 明 白(bêng-pe̍k) 上 帝(siōng-tè) ê 好意(hó-ì) ê 奧祕(ò-pì)，雖 然(sui-jiân) 咱(lán) iáu tī 烏暗 中(o͘-àm-tiong) ê 時(sî)。──A. B. Simpson

無(bô) 到(kàu) 最 後(tsoè-āu) 一(tsi̍t) 線(soàⁿ) 一(tsi̍t) 針(tsiam) 停 止(thêng-tsí)，
你(lí) buē 了 解(liáu-kái) 上 帝(siōng-tè) ê 圖樣(tô͘-iūⁿ) kap 心意(sim-ì)，
Tī 刺 繡 者(tshiah-siù-tsiá) 圖樣(tô͘-iūⁿ) 中(tiong) ê 烏線(o͘-soàⁿ)，
Kap 金線(kim-soàⁿ) 銀 線(gûn-soàⁿ) 平 平(pêng-pêng) 有(ū) 重 要(tiōng-iàu) ê 意義(ì-gī)。

一個(tsi̍t-ê) 人(lâng) 用(ēng) 主(tsú) 做(tsoè) 中 心(tiong-sim)，伊(i) beh 做(tsoè) 環 境(khoân-kéng) ê 主 人(tsú-lâng)。環 境(khoân-kéng) 壓迫(ap-pik) 你(lí) mah？無(bô) 撥 開(puah-khui)，這(tse) 是(sī) 造 物 主(tsō-bu̍t-tsú) ê 手(tshiú)，接 受(tsiap-siū) 受(siū) 攝 造(liap-tsō)，無(bô) 阻 擋(tsó͘-tòng) 伊(i) ê 進 展(tsìn-tián)，這(tse) 是(sī) 受(siū) 訓 練(hùn-liān)。環 境(khoân-kéng) m̄-nā 會(oē) kā 你(lí) 造 成(tsō-sêng) suí-suí ê 器 皿(khì-béng)，也是(iā-sī) 供 應(kiòng-èng) 你(lí) 極(ke̍k) 貴 氣(kùi-khì) ê 資 源(tsu-goân)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org