《台語荒漠甘泉（漢羅版）》

 | | | 轉寄

基督同在

作者 陳清俊 譯 林俊育 漢羅翻寫 2012.06.03

listen
六月初三(六月三日)

「咱(lán)過(kè)來(lâi)去(khì)hit-pîng岸(huāⁿ)。」(馬 可(má-khó)4:35)

咱(lán) 遵(tsun)thàn 基督(ki-tok) ê 命 令(bēng-lēng)，也(iā) buē 因為(in-ūi) án-ni 就(tsiū) buē tú-tio̍h 風 颱(hong-thai)、暴 風(po̍k-hong)。Tī tsit 段(tōaⁿ) ê 經 文(king-bûn)，學 生(ha̍k-sing) 遵(tsun)thàn 伊(i) ê 命 令(bēng-lēng)，卻(khiok) tú-tio̍h 強 烈(kiông-lia̍t) ê 暴 風(po̍k-hong)。到(kàu) 有(ū) 失去(sit-khì) 性命(sìⁿ-miā) ê 危 險(gûi-hiám)，in tī 苦 難(khó͘-lān) 中(tiong) 求 叫(kiû-kiò) 基督(ki-tok) ê 幫 贊(pang-tsān)。

基督(ki-tok) tī 咱(lán) 受 苦(siū-khó͘) ê 時(sî)，可 能(khó-lêng) 無(bô) 馬 上(má-siōng) 來(lâi)，不過(put-kò) 這(tse) 是(sī) 因為(in-ūi) beh 考 驗(khó-giām) 並(pēng) 加 強(ka-kiông) 咱(lán) ê 信 心(sìn-sim)。伊(i) ê 目 的(bo̍k-tik) 是(sī) hō͘ 咱(lán) ê 祈禱(kî-tó) koh-khah 有(ū) 力 量(le̍k-liōng)。咱(lán) 求(kiû) 拯 救(tsín-kiù) ê 心(sim) lú 迫 切(pik-tshiat)，當(tng) 拯 救(tsín-kiù) 來(lâi) 到(kàu)，咱(lán) lú 會(ōe) khah 感 謝(kám-siā)。

基督(ki-tok) 溫柔(un-jiû) 責 備(tsik-pī) 學 生(ha̍k-sing) 講(kóng)：「Lín 啥 事(siáⁿ-sū) hiah 驚(kiaⁿ)？Lín iáu-buē 有(ū) 信(sìn) mah?(馬 可(má-khó) 4:40)伊(i) ê 意思(ì-sù) 是(sī) 講(kóng)：「Lín 為甚麼(ūi-sím-mi̍h) buē 笑 笑(tshiò-tshiò) 面對(bīn-tùi) 暴 風(po̍k-hong)，對(tùi) 狂 風(kông-hong) 大 湧(tōa-éng) 大 聲(tōa-siaⁿ) 講(kóng)：「Lín buē-thang 相 害(siong-hāi) tio̍h 阮(goán)，因為(in-ūi) 偉大(úi-tāi) ê 救 主(kiù-tsú) 基督(ki-tok) 就(tsiū) tī 船(tsûn) 頂(téng) neh?」

當 然(tong-jiân) tī 日光(ji̍t-kng) 普 照(phó͘-tsiò) ê 時(sî) 信(sìn) 主(tsú)，比(pí) tī 暴 風(po̍k-hong) 中(tiong) 來(lâi) 信(sìn) khah 容易(iông-īⁿ)。總 是(tsóng-sī)，強 風(kiông-hong) 是(sī) 測 驗(tshik-giām) 咱(lán) ê 信 心(sìn-sim)，ài 了 解(liáu-kái) 咱(lán) 家己(ka-kī) 真 正(tsin-tsiàⁿ) 相 信(siong-sìn) ê 程 度(thêng-tō͘)。這(tse) 就 是(tsiū-sī) 咱(lán) ê 救主(kiù-tsú) tī 船(tsûn) 頂(téng) ê 緣故(iân-kò͘)。

假使(ká-sú) lín 若(nā)「tiàm-tī 主(tsú) kap 伊(i) 氣 力(khùi-la̍t) ê 權 能(koân-lêng) 來(lâi) 勇 壯(ióng-tsòng)， 」(以弗所(í-hut-só͘) 6:10)lín ê力 量(le̍k-liōng) 會(ōe) tī 暴 風(po̍k-hong) 中(tiong) 產 生(sán-sing)。

有(ū) 基督(ki-tok) tī 船(tsûn) 裡(nih) 歇(hioh)，
對(tùi) 暴 風(po̍k-hong) 我(góa) 敢(káⁿ) 笑(tshiò)。

基督(ki-tok) 講(kóng)：「咱(lán) 過來(kè-lâi) 去(khì) hit pîng 岸(hōaⁿ)。」伊(i) 無(bô) 講(kóng)：「咱(lán) 來(lâi) 去(khì) 海(hái) 中 心(tiong-sim) 死(sí) tiàm hia。」──Daniel Crawford


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org