《台語荒漠甘泉（漢羅版）》

 | | | 轉寄

人做，上帝tshiâu

作者 陳清俊 譯 林俊育 漢羅翻寫 2012.06.10

listen
六月初十(六月十日)

「Koh 咱(lán) 知(tsai) 萬 項(bān-hāng) 事(sū) 有(ū) 相(saⁿ)kap 來(lâi) hō͘ 疼(thiàⁿ) 上 帝(siōng-tè) ê 人(lâng) 得(tit)tio̍h 利益(lī-ik)，就 是(tsiū-sī) 照(tsiàu) 伊(i) 定(tiāⁿ)tio̍h ê 旨意(tsí-ì) 來(lâi) 受召(siū-tiáu) ê。」(羅馬(lô-má) 8:28)

保羅(pó-lô) 講(kóng) tsit-ê 話(ōe)，是(sī) juā-tsiâⁿ 肯 定(khéng-tēng)！伊(i) 無(bô) 講(kóng)：「有(ū) ê 事(sū)」，á是(sī)「大(tōa) 部 分(pō͘-hūn) ê 事(sū)」，á是(sī)「歡 喜(huaⁿ-hí) ê 事(sū)」，是(sī) 講(kóng)「萬 事(bān-sū)」，「所有(só͘-ū) ê 事(sū)」。Tuì siōng 小(sió)khuá ê 事(sū) 到(kàu) 極 大(ke̍k-tōa)、極(ke̍k) 重 要(tiōng-iàu) ê 事(sū)，tuì 日 常(ji̍t-siông) siōng 卑微(pi-bî) ê 事(sū) 到(kàu) 上 帝(siōng-tè) tī 危機(gûi-ki) 中(tiong) 所(só͘) 進 行(tsìn-hêng) 極(ke̍k) 偉大(úi-tāi) 恩 典(un-tián) ê 大(tōa) 工 程(kang-thêng)，lóng 是(sī) tī 上 帝(siōng-tè) ê 應 允(èng-ún) 下(ē)。

Tsit-ê 話(ōe) 是(sī) 現 在 式(hiān-tsāi-sik)，m̄是(sī) 過去(kè-khì) ê，也(iā) m̄是(sī) 將 來(tsiong-lâi) tsiah beh 做(tsòe)，上 帝(siōng-tè) hō͘ 現 在(hiān-tsāi) ê 萬 事(bān-sū) 進 行(tsìn-hêng) 是(sī) 不 斷(put-toān) ê 作 業(tsok-gia̍p)。

Tuì 聖 經(sèng-king) 知(tsai) 上 帝(siōng-tè) 是(sī)「義(gī) 親 像(tshin-tshiūⁿ) 極(ke̍k) 高(koân) ê 山(suaⁿ)，判 斷(phòaⁿ-toàn) 是(sī) 親 像(tshin-tshiūⁿ) 深 淵(tshim-ian)。」(詩 篇(si-phian) 36:6) tsit 時(sî) 天 使(thiⁿ-sài) teh 進 行(tsìn-hêng) 上 帝(siōng-tè) 偉大(úi-tāi) 計畫(kè-ōe) ê 發 展(huat-tián)，in 信 心(sìn-sim) 充 足(tshiong-tsiok) 宣 布(suan-pò͘)「耶和華(iâ-hô-hua) tī 伊(i) 一 切(it-tshè) 所(só͘) 行(kiâⁿ) ê，無(bô) m̄ 公 義(kong-gī)，tī 伊(i) 一 切(it-tshè) 所(só͘) 做(tsòe) ê，lóng 有(ū) 慈愛(tsû-ài)。」(詩 篇(si-phian) 145:17)

然 後(jiân-āu) 當(tng) 上 帝(siōng-tè) 指 揮(tsí-hui)「萬 事(bān-sū)…hō͘ 人(lâng) 得(tit) 利益(lī-ik)」，he 是(sī) 上 帝(siōng-tè) 美 妙(bí-miāu) ê 配 合(phòe-ha̍p)。伊(i) 需要(su-iàu) 真(tsin) tsuē 無(bô) 仝(kâng) ê 色 彩(sik-tshái)，每(múi) 一(tsi̍t) 色(sik)，單 獨(tan-to̍k) 看(khòaⁿ)，可 能(khó-lêng) 無(bô) 甚 麼(sím-mi̍h) 特 別(te̍k-pia̍t)，但是(tān-sī) 合(ha̍p) 起來(khí-lâi) 調 和(tiâu-hô) 做 成(tsòe-tsiâⁿ) 燦 爛(tshàn-lān) 美麗(bí-lē) ê 圖樣(tô͘-iūⁿ)。

寫(siá) 樂 譜(ga̍k-phó͘) ê 時(sî)，需要(su-iàu) 各 個(kok-kò) ê 音號(im-hō)、音符(im-hû)，有時(ū-sî) 無(bô) 協 調(hia̍p-tiāu)。Tsit 台(tâi) 機器(ki-khì) 需要(su-iàu) 真(tsin) tsuē 單 獨(tan-to̍k) ê 齒 輪(khí-lûn)、部 件(pō͘-kiāⁿ)、接 頭(tsiap-thâu)，機器(ki-khì) ê 一(tsi̍t) 小(sió) 部分(pō͘-hūn) 單 獨(tan-to̍k) ê 時(sî) 是(sī) 無(bô) 路 用(lō͘-iōng)；一(tsi̍t) 音(im) 一(tsi̍t) 音(im) tī 一(tsi̍t) 首(siú) 歌(kua) 內面(lāi-bīn) 可 能(khó-lêng) 無(bô) sáⁿ 好(hó) 聽(thiaⁿ)；但是(tān-sī) 將(tsiong) 所有(só͘-ū) ê 整 合(tséng-ha̍p)，接 接(tsiap-tsiap) 完 全(oân-tsoân) 做(tsòe) 一 體(tsi̍t-thé)，就(tsiū) 產 生(sán-sing) 完美(oân-bí)、和諧(hô-hâi) kap 平 衡(pêng-hêng)。

咱(lán) tuì tsia 學(o̍h) 信 心(sìn-sim)，「我(góa) 所(só͘) 做(tsòe) ê，你(lí) 現 今(hiān-kim) m̄ 知(tsai)，後來(āu-lâi) 就(tsiū) 會(ōe) 曉得(hiáu-tit)。」(約翰(iok-hān) 13:7) ──J. R. Macduff

Tī 一(tsi̍t) 千(tshing) 件(kiāⁿ) ê 試 煉(tshì-liān) 中(tiong)，m̄-nā 有(ū) 五 百(gō͘-pah) 件(kiāⁿ) 是(sī) 對(tùi) 你(lí) 有利益(ū lī-ik)，是(sī) 有(ū) 九 百(káu-pah) 九 十 九(káu-tsa̍p-káu) 件(kiāⁿ) koh 加(ka) 一 件(tsi̍t-kiāⁿ) 對(tùi) 你(lí) 有利(iú-lī)。──GeorgeMueller

上 帝(siōng-tè) ê 意思(ì-sù) 是(sī) 好(hó)(創 世 記(tshòng-sè-kì) 50:20)

上 帝(siōng-tè) 原意(goân-ì) 是(sī) 好(hó)，──福 氣(hok-khì) ê 保 證(pó-tsèng)，
日 頭(ji̍t-thâu) 照(tsiàu) tī 性命(sìⁿ-miā) ê 道路(tō-lō͘) 頂(téng)，
地 上(tē-tsiūⁿ) 烏雲(o͘-hûn) 風 暴(hong-po̍k) tú-tio̍h 天(thiⁿ) ê 光 榮(kong-êng)，
日日(ji̍t-ji̍t) 有(ū) 清 新(tshing-sin)，舒 適(su-sik) koh 和 平(hô-pêng)。

M̄是(sī) 偶 然(ngó͘-jiân)，無(bô) 疼(thiàⁿ) 兄弟(hiaⁿ-tī) 情(tsêng)，
賣(bōe) 約 瑟(iok-sik) 到(kàu) 外 國(gōa-kok) 生 疏(tshiⁿ-so͘) 地 境(tē-kéng)，
受(siū) 真(tsin) tsuē 年(nî) ê 艱 難(kan-lân)、苦 刑(khó͘-hêng)，
Tsiah 到(kàu) tī 法 老(huat-ló) ê 面 前(bīn-tsêng)。

一(tsi̍t) 目(ba̍k) 看 出(khòaⁿ-tshut) 眾 人(tsèng-lâng) ê 需要(su-iàu)，
借(tsioh)tio̍h 一(tsi̍t) 人(lâng) ê 揀 召(kéng-tiàu)，
Tuì 監 獄(kaⁿ-ga̍k) ê 苦 練(khó͘-liān) 學(o̍h) tsâi-tiāu，
達 到(ta̍t-kàu) 偉大(úi-tāi) 榮 耀(êng-iāu) ê 目 標(bo̍k-piau)。

無(bô) hō͘ 受(siū) 關(kuaiⁿ) ê 人(lâng) 知(tsai)，
伊(i) 受 苦(siū-khó͘) 透(thàu) 到(kàu) 心內(sim-lāi)，
目 睭(ba̍k-tsiu) 只(tsí) 注意(tsù-ì) 目 前(ba̍k-tsêng) 悲哀(pi-ai)，
伊(i) ê 眼 光(gán-kong) 看(khòaⁿ) buē-tio̍h 將 來(tsiong-lâi)。

長 長(tn̂g-tn̂g) 烏暗(o͘-àm) thìng候(hāu)，信(sìn) iáu 保留(pó-liû)。
伊(i) ê 信 靠(sìn-khò) 到 尾(kàu-bé) 得(tit)tio̍h 報 賞(pò-siúⁿ)，
時機(sî-ki) 一(tsi̍t) 到(kàu)，上 帝(siōng-tè) 帶(tòa) 伊(i) ê 僕 人(po̍k-jîn)、朋 友(pêng-iú)，
去(khì) 安慰(an-ùi) 眾 人(tsèng-lâng)，伊(i) ê 苦 難(khó͘-lān) 消 溶(siau-iûⁿ)。

「是(sī) 上 帝(siōng-tè)，m̄是(sī) lín 差(tshe) 我(góa) 來(lâi)。」
了 後(liáu-āu) 勝 利(sèng-lī) án-ni 見 解(kiàn-kái)。
「上 帝(siōng-tè) 原意(goân-ì) 是(sī) 好(hó)」，無(bô) 其他(kî-tha) 用意(iōng-ì)，
來(lâi) 擾 亂(jiáu-loān) 伊(i) ê o-ló 歌詩(kua-si)。

「上 帝(siōng-tè) 原意(goân-ì) 是(sī) 好(hó)」，親 愛(tshin-ài) 眾 人(tsèng-lâng)！
約 瑟(iok-sik) ê 上 帝(siōng-tè) 是(sī) 相(sio)siâng，
伊(i) ê 疼(thiàⁿ) 容 允(iông-ún) 奇 怪(kî-koài) kap 苦 痛(khó͘-thàng)，
伊(i) ê 手(tshiú) tshuā 咱(lán) 行(kiâⁿ) buē-bat ê 路 巷(lō͘-hāng)。

主(tsú) tuì 頭(thâu) 看(khòaⁿ) 到 尾(kàu-bé)，
有(ū) 講(kóng) buē 出(tshut) 疼(thiàⁿ) ê 目 的(bo̍k-tik)，
伸 手(tshun-tshiú) 無(bô) 驚(kiaⁿ) hē tī 伊(i) 手(tshiú) 下(ē)，
得到(tit-kàu) 看(khòaⁿ)tio̍h 伊(i) 恩 慈(un-tsû) 放 釋(hòng-sik)。

Hit 時(sî)，你(lí) tī 榮 光(êng-kng) ê 天家(thiⁿ-ke) tuà，
Tuì 過去(kè-khì) ê 一 生(it-sing) 回 頭(hôe-thâu) 看(khòaⁿ)，
目 睭(ba̍k-tsiu) 看(khòaⁿ) 所(só͘) 信 靠(sìn-khò) kap 引(ín)tshuā，
Beh 報 揚(pò-iông) 伊(i) ê 疼(thiàⁿ) 無(bô) suah。──Freda Hanbury Allen


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org