《台語荒漠甘泉（漢羅版）》

 | | | 轉寄

安靜tī主面前

作者 陳清俊 譯 林俊育 漢羅翻寫 2012.06.17

listen
六月十七(六月十七日)

「Tī in 頭 殼(thâu-khak) 頂(téng) 穹 蒼(kiong-tshong) ê 頂 面(téng-bīn) 有(ū) 聲(siaⁿ)；in 停(thêng) ê 時(sî)，翼(si̍t) 就(tsiū) 放(pàng) 落來(lo̍h-lâi)。」 (以西結(í-se-kiat) 1:25)

「In 停(thêng) ê 時(sî)，翼(si̍t) 就(tsiū) 放(pàng) 落來(lo̍h-lâi)。」是(sī) 甚 麼(sím-mi̍h) 意思(ì-sù)？人(lâng) 常 常(siông-siông) 問(mn̄g)，我(góa) án-tsuáⁿ tsiah 能(ōe) 聽(thiaⁿ)tio̍h 主(tsú) ê 聲音(siaⁿ-im)？ Hit ê 祕 訣(pì-kuat) 在(tsāi) tī-tsia:tsiah-ê「活 物(ua̍h-mi̍h)」(以西結(í-se-kiat) 1:5)聽(thiaⁿ)tio̍h 聲音(siaⁿ-im)…停(thêng) ê 時(sî)，將(tsiong) 翼(si̍t) 放(pàng) 落來(lo̍h-lâi)。

咱(lán) 也(iā) bat 看(khòaⁿ)tio̍h 鳥(tsiáu)á 歇(hioh) tī 樹 枝(tshiū-ki) 頂(téng)，總 是(tsóng-sī) in ê 翼(si̍t) iáu teh 搖(iô) 一下(tsi̍t-ē)，搖(iô) 一下(tsi̍t-ē)。但是(tān-sī) tī 一 節(tsi̍t-tsat) 講(kóng)：「In 聽(thiaⁿ)tio̍h 聲音(siaⁿ-im)，就(tsiū) 停(thêng) 落來(lo̍h-lâi)，翼(si̍t) 也(iā) 放(pàng) 落來(lo̍h-lâi)。」

你(lí) kiám bat tī 主(tsú) ê 面 前(bīn-tsêng) 坐(tsē) á是(sī) 跪(kūi) ê 時(sî)，你(lí) ê 靈(lêng) ê 翼(si̍t) iáu teh 搖(iô) mah? 若是(nā-sī) án-ni，你(lí) tī 上 帝(siōng-tè) ê 面 前(bīn-tsêng) 就(tsiū) 無(bô) 真 正(tsin-tsiàⁿ) ê 安 靜(an-tsēng)。

一個(tsi̍t-ê) 人(lâng) 無(bô) 幾(kúi) 日(ji̍t) 前(tsêng) kā 我(góa) 講(kóng)：「我(góa) 為(ūi)tio̍h 某(bó͘) 一 項(tsi̍t-hāng) 事(sū) 祈禱(kî-tó)，總 是(tsóng-sī) iáu-buē 得(tit)tio̍h 回 答(hôe-tap)。」就 是(tsiū-sī) 講(kóng)：伊(i) 無(bô) 安 靜(an-tsēng) 落來(lo̍h-lâi) 聽(thiaⁿ) 上 帝(siōng-tè) ê 話(ōe) 就(tsiū) 離開(lī-khui)，照(tsiàu) 家己(ka-kī) ê 想 法(siūⁿ-huat) 去(khì) 做(tsòe)，結 果(kiat-kó) tshòng到(kàu) 亂(loān)tshau-tshau，to̍h ài koh 重 來(têng-lâi)。

Ah，咱(lán) 浪 費(lōng-hùi) juā-tsuē 經 歷(king-le̍k)，因為(in-ūi) 咱(lán) 拒 絕(kū-tsua̍t) 將(tsiong) 咱(lán) ê 心 靈(sim-lêng) ê 翼(si̍t) 放(pàng) 落來(lo̍h-lâi)，buē-thang tī 上 帝(siōng-tè) ê 面 前(bīn-tsêng) 完 全(oân-tsoân) 安 靜(an-tsēng) 落來(lo̍h-lâi)，致到(tì-kàu) 損 失(sún-sit) tsuē-tsuē ê 時間(sî-kan)？默 想(be̍k-sióng) 咱(lán) tī 伊(i) ê 面 前(bīn-tsêng) 安 靜(an-tsēng) thìng候(hāu) 伊(i) ê 回 答(hôe-tap) 所(só͘) 得(tit) tio̍h ê 安 靜(an-tsēng)、歇 睏(hioh-khùn) kap 平 安(pêng-an)！

了 後(liáu-āu)，到時(kàu-sî)，咱(lán) beh「走 來(tsáu-lâi) 走 去(tsáu-khì)，親 像(tshin-tshiūⁿ) 閃(siám) nà teh 閃(siám)。」(以西結(í-se-kiat) 1:14)也(iā) 直 接(ti̍t-tsiap) 去(khì)「神(sîn) 所(só͘) beh 去(khì) ê 所 在(só͘-tsāi)。」(以西結(í-se-kiat) 1:20)

安 靜(an-tsēng)！tsit 時(sî) 安 靜(an-tsēng) 定 定(tiāⁿ-tiāⁿ)！
Lîng 所(só͘) buē bat 聽(thiaⁿ)，
M̄是(sī) 鳥(tsiáu)á聲(siaⁿ)，
M̄是(sī) 風(hong)、湧(éng) á是(sī) 星(tshiⁿ) ê 影(iáⁿ)，
是(sī) tuì 遠 遠(hn̄g-hn̄g) 上 帝(siōng-tè) hia，
Hō͘ 思 鄉(su-hiong) ê 靈 魂(lêng-hûn) 歡 喜(huaⁿ-hí) 無比(bû-pí)，
Tī 靜 靜(tsēng-tsēng) ê 時(sî)，tsiah 會(ōe) 聽 見(thiaⁿ-kìⁿ)。

安 靜(an-tsēng)！tsit 時(sî) 安 靜(an-tsēng) 定 定(tiāⁿ-tiāⁿ)！
溫和(un-hô) 甜蜜(tiⁿ-bi̍t) ê 影(iáⁿ)，
無(bô) 聽(thiaⁿ)tio̍h 任何(jīm-hô) 腳步(kha-pō͘) 聲(siaⁿ)，
是(sī) 耶穌(iâ-so͘) 所(só͘) tshē 安 慰 者(an-ùi-tsiá)，
教示(kà-sī) 伊(i) ê 真理(tsin-lí)、神 聖(sîn-sèng)，
充 滿(tshiong-móa) tī 願意(goān-ì) thìng候(hāu) ê 靈(lêng)，
你(lí) 若(nā) beh 聽(thiaⁿ) 伊(i) ê 信息(sìn-sit)，公 正(kong-tsèng)，
親 愛(tshin-ài) ê 心 靈(sim-lêng)！Ài 安 靜(an-tsēng)！


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org