《台語荒漠甘泉（漢羅版）》

 | | | 轉寄

受苦學校

作者 陳清俊 譯 林俊育 漢羅翻寫 2012.09.02

listen
九月初二(九月二日)

「因為(in-ūi) 已經(í-king) 賞 賜(siúⁿ-sù) lín，....Koh 為(ūi) tio̍h 伊(i) 受 苦(siū-khó͘)。」 (腓立比(hui-li̍p-pí) 1：29)


上 帝(siōng-tè) 管 理(koán-lí) 一 間(tsi̍t-king) 真(tsin) 貴(kùi) ê 學 校(ha̍k-hāu)，tī 伊(i) ê 功 課(kong-khò) 是(sī) 用(ēng) 流 目 屎(lâu-ba̍k-sái) 來(lâi) 學(o̍h) ê。十 七(tsa̍p-tshit) 世紀(sè-kí) 清 教 徒(tshing-kàu-tô͘) 牧 師(bo̍k-su)，Ba̍k-su-tē (Ritsard Baxter) án-ni講(kóng)：「感 謝(kám-siā) 你(lí) 五 十 八(gō͘-tsa̍p-pueh) 年(nî) 來(lâi) tī 我(góa) tsit-ê 身 體(sin-thé) ê 管 教(koán-kà)。」伊(i) 當 然(tong-jiân) m̄ 是(sī) 唯一(ûi-it) 能(ōe) 化(hòa) 困 難(khùn-lân) 做(tsòe) 勝 利(sèng-lī) ê 人(lâng)。

咱(lán) 天父(thiⁿ-pē) tsit 間(kan) 學 校(ha̍k-hāu) 對(tùi) 咱(lán) 來(lâi) 講(kóng) 是(sī) 真(tsin) 緊(kín) beh 結 束(kiat-sok)，學期(ha̍k-kî) 尾(bé)，一 工(tsi̍t-kang) 一 工(tsi̍t-kang) 接 近(tsiap-kūn)。願(goān) 咱(lán) 無(bô) 逃 避(tô-phiah) 艱 難(kan-lân) ê 功 課(kong-khò)，也(iā) 無(bô) 閃 開(siám-khui) 管 教(koán-kà) ê 柺(koáiⁿ)。咱(lán) 若(nā) 能(ōe) 快 樂(khoài-lo̍k) 堅 持(kian-tshî) 到底(kàu-té)，咱(lán) ê 冕 旒(bián-liû) beh koh-khah 光 輝(kong-hui)，天 國(thian-kok) koh-khah 甜蜜(tiⁿ-bi̍t)。Án-ni 咱(lán) thang 光 榮(kong-êng)、驕 傲(kiau-ngō͘) 來(lâi) 畢 業(pit-gia̍p)。──Theodore L. Cuyler

世界(sè-kài) siōng 美麗(bí-lē) ê 磁 器(hûi-khì)，siōng 少(tsió) ài tī 窯裡(iô-nih) 燒(sio) 三(saⁿ) pái。有(ū) ê ài 燒(sio) koh-khah tsuē pái。Dresden 所(só͘) 出 產(tshut-sán) ê 貴 重(kùi-tiōng) 磁(hûi)á lóng 一定(it-tēng) 燒(sio) 三(saⁿ) pái，為甚麼(ūi-sím-mi̍h) 必須(pit-su) 經 歷(king-le̍k) tsiah-nih 高(koân) 熱(jua̍h) neh?燒(sio) 一(tsi̍t) pái，á是(sī) 兩(nn̄g) pái kiám buē-sái mah? Buē 用得(ēng-tit)，好(hó) ê 磁(hûi) 一定(it-tēng) ài 燒(sio) 三(saⁿ) pái，án-ni hō͘ 金 色(kim-sik)、紅 色(âng-sik) 各 種(kok-tsióng) 色緻(sik-tì) 更 加(kèng-ka) 映 目(iáⁿ-ba̍k) 美麗(bí-lē)，koh buē 退 色(thè-sik)。

咱(lán) 是(sī) 照(tsiàu) tsit-ê 原 理(goân-lí) 來(lâi) 攝 造(liap-tsō) ê，人類(jîn-lūi) 生 活(sing-ua̍h) 中(tiong) ê 磨 練(bôa-liān)，ná 親 像(tshin-tshiūⁿ) 火(hé) 不 斷(put-toān) ê 燒 煉(sio-liān) 咱(lán)。Tuì 上 帝(siōng-tè) ê 恩 典(un-tián)，美麗(bí-lē) ê 色 彩(sik-tshái) tī 咱(lán) 內面(lāi-bīn) 形 成(hêng-sêng)，永 遠(éng-oán) 燦 爛(tshàn-lān) 無(bô) 退(thè)。──Cortland Myers

世 上(sè-tsiūⁿ) siōng suí ê 花(hue) 無(bô) 開(khui) tī 有(ū) 日(ji̍t) ê 平洋(pîⁿ-iûⁿ)，
是(sī) tī 急 變(kip-piàn) 地(tē) 破 裂(phòa-li̍h) ê 石 縫(tsio̍h-phāng) 上(siōng)。
受 傷(siū-siong) tī 風 雨(hong-hō͘)、火 災(hé-tsai)、火 山(hé-suaⁿ) 灰(hu)，
上 帝(siōng-tè) 細 細(sòe-sòe) 聲(siaⁿ) 醫治(i-tī) 所有(só͘-ū)。
Tuì 深 淵(tshim-ian)，石 縫(tsio̍h-phāng) 爆 開(piak-khui)，
流 出(lâu-tshut) 活 水(ua̍h-tsúi)，
暗時(àm-sî) 天 使(thiⁿ-sài) 賜(sù) 溫柔(un-jiû) 露 水(lō͘-tsúi)，
清 早(tshing-tsá)，人 子(jîn-tsú) 來(lâi) 採(tshái) 花 蕊(hue-lúi)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org