《台語荒漠甘泉（全羅版）》

 | | | 轉寄

"Sìn-sim su-iàu khó-giām"

作者 陳清俊 翻譯 2009.08.30

listen


Pueh ge̍h saⁿ-tsa̍p (Pueh ge̍h saⁿ-tsa̍p ji̍t)

"Tsē-tsûn kè-hái, tī tuā-tsuí-tiong king-îng sū-gia̍p ê, in khuàⁿ-kìⁿ Iâ-hô-hua ê só͘-tsuè, kap I tī tshim-ian só͘ kiâⁿ ê kî-sū." (Si-phian 107:23-24)

Tsi̍t ê lâng nā buē-hiáu lī-iōng ta̍k hong-hiòng ê hong lâi sái ǹg thian-tông hong-hiòng ê, i m̄-sī sái-tsûn sai-hū, tsí-sī tsi̍t ê tô͘-tē. Sū-si̍t pîng-tsīng bô hong ê hái-bīn tuì lán tsi̍t-tiám-á lō͘-īng to bô. Hong, bô-lūn sī tuì tang, tuì sai, tuì lâm, tuì pik tshe lâi, lóng thang pang-tsān lán sái hiòng siū-tsiok-hok ê káng-kháu. Só͘-í lán só͘ tshē-kiû ê, sī tī hái tiong m̄-kiaⁿ po̍k-hong-ú. Guān lán uē tshin-tshiūⁿ tsi̍t ê Ing-kok lāu-tuā-lâng, án-ni kî-tó kóng, “Tsú ah, tsiong guán phài tī hái tshim ê só͘-tsāi, in-uī hiān-tsāi guán lī huāⁿ siuⁿ kūn, mô͘-kuí īng tsi̍t si-si ê hong lâi tshe, tsiū uē hō͘ guán ê tsûn tio̍h-ta̍k, koh khó-lîng phuà-li̍h. Tsú ah, guán koh tsi̍t-pái tshíng-kiû tsiong guán phài kàu hái tshim ê só͘-tsāi, hia ū khuan-khuah ê khong-kan, thang tit îng-kng ê tik-sìng. --- Mark Guy Pearse

Ài-kì-tit, Lán ê sìn-sim ài siū khó-giām tsiah uē ta̍t-kàu tsuè ko-tiám. Jio̍k-thé ê tsū-sìn sī tòng buē kè khó-giām. Pîng-pîng sūn-sūn ê sìn-sim m̄-sī tsin-tsiàⁿ ê sìn-sim. --- Tsarles H. Spurgeon

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com