《台語荒漠甘泉（全羅版）》

 | | | 轉寄

"Bô khó-lîng ê sū"

作者 陳清俊 翻譯 2009.11.22

listen


Tsa̍p-it ge̍h jī-jī (Tsa̍p-it ge̍h jī-tsa̍p-jī ji̍t)

"Lín sìn guá uē tsuè tsit ê sū mah?" (Má-thài 9:28)

Siōng-tè tshú-lí bô khó-lîng ê sū. Tuì I íng-uán buē siuⁿ bān, tsí su-iàu īng muá-muá ê sìn-sim tsiong put-khó-lîng ê tāi-tsì kau hō͘ I, án-ni Siōng-tè beh siū îng-iāu, kau-thok ê lâng ê sìⁿ-miā kap khuân-kíng iā uē siū tshiong-kik íng-hióng. Nā-sī lán bat uî-puē, m̄-sìn, huān-tsuē, pāi-huāi ê sing-ua̍h, hō͘ Siōng-tè lâi tshú-lí khik-ho̍k tsiah ê put-hīng, put-tsìng ê sū. Ká-sú lán khíng uân-tsuân kau-thok sìn-jīm I lâi tshú-lí, I beh tshú-lí kàu sìng-lī, lóng buē kóng siuⁿ bān.

Lâng kóng, Ki-tok-kàu tsí-sī tsi̍t ê tshú-lí lâng kè-khì ê sū ê tsong-kàu. Tsit ê uē ū i ê tō-lí. "tē-it-tsíng, tē-jī-tsíng, tē-saⁿ-tsíng, tē-sì-tsíng ê tsháu-meh, só͘ tsia̍h hiah ê nî-tang, Guá lóng beh hîng lín." (Iok-jíⁿ 2:25) I sī khó-khò ê, bô pó-liû ê, uē tsiong tāi-tsì tsuè hó-sè. I án-ni tsuè m̄-sī in-uī lán ê iân-kò͘, sī in-uī I sī "bān hāng un-tián ê Siōng-tè." (I Pí-tik 5:10) Guān lán o-ló sìn-khò I. --- tuì "Tsú-ji̍t-o̍h sî-pò"

Bô tsi̍t hāng sū tuì Iâ-so͘ sī siuⁿ khùn-lân,
Bô lâng uē kang-tsok tshin-tshiūⁿ I hiah kán-tan.

Lán ū tsi̍t-uī lo̍k-ì tsuè bô khó-lîng ê sū ê Siōng-tè, I kóng, "tsāi-tī Guá kiám ū tsi̍t-hāng oh-tsiâⁿ ê sū?" (Iâ-lī-bí 32:27) --- Andrew Murray

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com