《台語荒漠甘泉（全羅版）》

 | | | 轉寄

"Oh tam-tng ê tàⁿ"

作者 陳清俊 翻譯 2009.11.15

listen


Tsa̍p-it ge̍h tsa̍p-gō͘ (Tsa̍p-it ge̍h tsa̍p-gō͘ ji̍t)

"siū teh-tāng tsin thiám kàu tng buē khí." (Ṳ Ko-lîm-to 1:8)

"hō͘ Ki-tok ê khuì-la̍t tuà tī guá." (Ṳ Ko-lîm-to 12:9)

Siōng-tè hō͘ Ngá-kok tī Piān-í-lī bīn-tuì sìⁿ-miā ê guî-ki, i o̍h tio̍h uân-tsuân ê sūn-ho̍k, khiam-pi sîng-khún ǹg Siōng-tè khún-kiû. Hit mî, i kap Siōng-tè sio-ián, lia̍h tiâu-tiâu Siōng-tè, tī tsin guî-hiám ê sî, hō͘ i ê sìn-sim kap tuì Siōng-tè ê jīn-bat tuā-tuā tsìn-pō͘, hō͘ i ū li̍k-liōng thang kè tiông-sin sìng-lī ê sing-ua̍h.

Tsú ài Tāi-pi̍t siū tsin tsuē nî ê khó͘-tshó͘ hùn-liān, lâi o̍h uē-hiáu jīn-bat Siōng-tè ê tsuân-lîng kap sìn-si̍t, iā tsing-ka i sìn-sim kap khiân-sîng. Tse sī tsuè Í-sik-lia̍t ông tsuè hui-hông sū-kang só͘ su-iàu ê guân-tsik.

Pó-lô siū-tio̍h siōng guî-hiám ê khuân-kíng, tsiah o̍h tio̍h jīn-bat Siōng-tè ìng-ún ê uân-tsuân ì-gī. Tse ìng-ún sī "ū Guá ê un, lí tsiū kàu-gia̍h." (Ṳ Ko-lîm-to 12:9) Tsí-ū king-li̍k tio̍h tiōng-tāi ê tshì-giām kap guî-hiám, tsiah uē hō͘ tsi̍t pō͘-hūn ê lâng, jīn-bat Tsú, sìn-khò Tsú, iā tng su-iàu ê sî, tuì I tit-tio̍h tsin-tsuē un-tián.

Khùn-lân kap thâu-tsîng ê tsó͘-gāi sī tuì lán sìn-sim ê thiau-tsiàn. Tī ho̍k-sāi ê tō-lō͘ tú-tio̍h tsó͘-

gāi. Ài-tsai, tsiah ê tsó͘-gāi tòng-lō͘ sī sìn-sim ê khì-kū, lāi-bīn té-muá Iâ-so͘ hong-hong hù-hù ê un-tián. Tng lán pîng sìn-sim uân-tsuân sìn-khò I hiòng tsîng ê sî, lán khó-lîng siū-tio̍h khó-giām. Ū-sî ài thun-lún thìng-hāu, ài tsai, "thun-lún tio̍h hō͘ i kàu sîng-kong." (Ngá-kok 1:4) Kàu-bé lán uē huat-kiàn "tsio̍h í-king tuì bōng-mn̂g kō khui." (Lō͘-ka 24:2) Tsú pún-sin tsún-pī hó teh tán, teh kî-thāi, uī lán ê khó-giām lâi ka-pē sù hok. --- A. B. Simpson


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com