《台語荒漠甘泉（全羅版）》

 | | | 轉寄

"Thun-lún thìng-hāu"

作者 陳清俊 翻譯 2010.02.21

listen

Jī ge̍h jī-it (Jī ge̍h jī-tsa̍p-it ji̍t)


"Tio̍h tsīng-tsīng tī Iâ-hô-hua ê bīn-tsîng, khuan-sim thìng-hāu I." (Si-phian 37:7)

Lí bat kî-tó, koh kî-tó, thìng-hāu koh thìng-hāu, lóng bô tit-tio̍h huê-ìng mah? Bô huán-ìng, tì-kàu sim-sîn lóng nńg lo̍h-khì. tì-kàu teh-beh hòng-khì ah? Tsin khó-lîng, sī tī lí só͘ tán ê hong-sik ū tshò-gō͘, só͘ tán ê só͘-tsāi bô tio̍h, ing-kai sī tī uē tú-tio̍h Thiⁿ-pē ê só͘-tsāi lâi tán, lâi thìng-hāu.

Sìng-king kóng, “thun-lún thìng-hāu.” (Lô-má 8:25) Guân-lâi thun-lún, á-sī jím-nāi, uē thang khik-ho̍k iu-lū. Tsú Ki-tok tap-ìng I uē koh lâi, I kóng, tsiū it-tīng si̍t-hîng. Jím-nāi, thun-lún uē khik-ho̍k iu-siong. Uī-sím-mi̍h iu-tshiû kan-khó͘, suah hue-sim sit-tsì ah? I pí lí khah tsai lí ê su-iàu, I thìng-hāu ê bo̍k-tik sī beh tit khah tuā ê îng-iāu. Jím-nāi, thun-lún thang khik-ho̍k jio̍k-thé ê ua̍h-tāng. Sìng-king kóng, “Sìn, tsiū-sī Siōng-tè ê kang.” (Iok-hān hok-im 6:29) Tsí-iàu sìn, it-tshè tsiū beh sîng-tsiū, bô khò ka-kī ê kong-lô. Jím-nāi, thun-lún thang khik-ho̍k it-tshè ê su-iàu, lí khó-lîng hi-bāng uī ka-kī só͘ ài ê kiû tsin tsuē, khah tsió kiû Siōng-tè ê tsí-ì.

Jím-nāi, thun-lún thang pó͘-tsiok it-tshè ê luán-jio̍k. Bô tsiong thìng-hāu khuàⁿ tsuè lōng-huì sî-kan, jīn tshing-tshó tī thìng-hāu tiong Thiⁿ-pē ū sî-kan ū-pī tsu-guân, ka-kiông lí ê li̍k-liōng. Jím-nāi, thun-lún thang khik-ho̍k it-tshè ê pông-hông put-an. Sìng-king kóng, “I tsiū bong guá, hû guá khí-lâi khiā.” (Tān-í-lí 8:18) Thiⁿ-pē sī kian-kò͘ ê ki-tsio̍h, tsí-iàu sim tsûn I ê jím-nāi, lán thang kian-tīng khiā-tsāi thìng-hāu I. Jím-nāi, thun-lún uē thang huat-tshut kìng-pài ê sim. Siōng hó ê pō͘-hūn sī tuà o-ló ê thìng-hāu, huaⁿ-huaⁿ hí-hí teh jím-nāi, “huaⁿ-hí thun-lún khuan-iông.” (Ko-lô-se 1:11) Tng lí jím-nāi thun-lún ê sî, “To̍k-to̍k thun-lún tio̍h hō͘ i kàu sîng-kong, hō͘ lín uân-tsuân tsiâu-pī, bô só͘ khiàm-kheh.” (Ngá-kok 1:4) Lí tsiū ū tuā-tuā hong-hong hù-hù ê pò-tap. --- C.H.P.

Hé to̍h ê sî tio̍h khiā-tiāⁿ,
Tsē sī lāi-sim ha̍k-si̍p ê sim-siaⁿ,
Tsit tiâu lō͘ khuàⁿ sī bô huê-kiâⁿ,
Nāi-sim lâi uân-sîng uân-bí ê kang-tiâⁿ. --- L.S.P.

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com