《台語荒漠甘泉（全羅版）》

 | | | 轉寄

"Sìn tsiū beh tsiâⁿ"

作者 陳清俊 翻譯 2010.03.21

listen



Saⁿ ge̍h jī-it (Saⁿ ge̍h jī-tsa̍p-it ji̍t)

"Tsiàu lín ê sìn, kā lín tsuè tsiâⁿ." (Má-thài 9:29)

"Pik-tshiat kî-tó" ê ì-sù sī "Tsìn-ji̍p tī uân-tsuân sìn-sim ê kî-tó." Tsiū-sī lí iáu teh kî-tó ê sî, lí ê kî-tó í-king siū thiaⁿ-tio̍h, koh tsiap-la̍p lah. Tī sū-tsîng iáu buē si̍t-hiān ê tāi-sing, lí í-king ū pá-ak tit-tio̍h lí ê tshíng-kiû.

Uē-kì-tit, tī tē-tsiūⁿ bô jīm-hô tsîng-khóng uē tsó͘-tòng Siōng-tè ê uē ê ìng-giām kap si̍t-hiān. Lán pit-su kian-tīng put-î ǹg-bāng I íng-íng buē piàn ê uē, m̄ thang khuàⁿ tsit sè-kài ê piàn-huà. Siōng-tè ài lán tī bô jīm-hô tsìng-kù ê sî, tsiū siong-sìn I ê uē, jiân-āu, I tsiū uē àn-tsiàu lán ê sìn lâi si̍t-hiān.

Tng I ê uē tsi̍t ē kóng,
Tng I kóng "Guá beh" (tsham-khó Hi-pik-lâi 13:5)
Sū tsiū án-ni tshòng,
I ê ìng-ún íng-uán tī-teh. (tsham-khó Ṳ Ko-lîm-to 1:20)

Gō͘-sûn-tsiat sî-tāi ê kî-tó sī tsiah ni̍h kán-tan ê sìn, tsiū tshin-tshiūⁿ khì gûn-hâng tsiong tsi-phiò tuī-hiān, uāⁿ tsuè hiān-kim tsi̍t-iūⁿ. – Robert Anderson

"Siōng-tè kóng, ... tsiū ū án-ni." (Tshòng-sè-kì 1:9)

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com