《台語荒漠甘泉（全羅版）》

 | | | 轉寄

"Jú thuàn-liān, Jú kè-ta̍t"

作者 陳清俊 翻譯 2010.10.24

listen


Tsa̍p ge̍h jī-sì (Tsa̍p ge̍h jī-tsa̍p-sì ji̍t)

"Guá beh hō͘ lí tsuè phah gō͘-kak sin ê khì-kū, lāi koh ū khí;." (Í-sài-a 41:15)

Tī jī-tsa̍p sè-kí tsho͘, tsi̍t tiâu kǹg-thih kè-ta̍t gō͘ kho͘ bí-kim, nā-sī tsiong tsit tiâu thih phah tsuè (thih ê) bé-tê, tsiū kè-ta̍t tsa̍p kho͘, tsuè kǹg-tsiam ê sî, tsiū kè-ta̍t saⁿ-pah gō͘-tsa̍p kho͘, nā-sī tsè-tsuè to-phìⁿ tsiū kè-ta̍t kàu saⁿ bān nn̄g tshing kho͘, tsè-tsuè tshiú-pió ê huat-tiâu kè-ta̍t tsing-ka kàu jī-tsa̍p-gō͘ bān kho͘. Lí khuàⁿ tsi̍t tiâu kǹg-thih king-kè siū kòng siū phah tsiah uē tsing-ka kè-ta̍t, jú tuî, phah, hé-sio, buâ, kè-ta̍t jú kuâiⁿ.

Īng tsit ê phì-jū thê-tshíⁿ lán ài an-tsīng, jím-siū khó͘-lān, in-uī siū-khó͘ jú tsuē ê lâng, i ê kè-ta̍t, tit tsiok-hok jú tuā. Siōng-tè thong-kè thòng-khó͘ hō͘ lán uē huat-hui siōng tuā ê tsâi-lîng, uī tio̍h I ê îng-iāu kap pa̍t-lâng ê hīng-hok.

Oh, Sù Lí ê lô͘-po̍k:
Jím-nāi, uē an-tsīng sūn Lí an-pâi,
Ióng-khì, uē tsuân-sim uá-khò Lí, bô siū hām-hāi,
Tì-huī, bô bê-lō͘ ka-kī huí, thàn tsit ê sè-tāi,
Thiàⁿ-thàng, hiān-sî sui ū khó͘-thàng, tsai an-hioh tsū-tsāi.

Lán ê sìⁿ-miā tsin ò-biāu, sū-si̍t-siōng, uân-tsuân buē thang kái-sik, tû-liáu kóng, Siōng-tè tsún-pī lán khì íng-uán ê sè-kài, tsham-ú tī hia, hiān-tsāi só͘ khuàⁿ-buē-tio̍h ê sū-kang. Hiah ê ti̍k-sû ê sū-kang su-iàu king-kè hé ê thuàn-liān, ū tshin-tshiūⁿ kǹg ê lîng-sìng.

Kang-tshiūⁿ tsuè ê to, jú lāi jú suí ê, sī jú iōng-sim tsuè ê.


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org