《台語荒漠甘泉（全羅版）》

 | | | 轉寄

"Tshim ê thô͘"

作者 陳清俊 翻譯 2012.09.09

listen


Káu ge̍h tshue-káu (Káu ge̍h káu ji̍t)

"Ū-ê (tsíng-tsí) ka-la̍uh tī tsio̍h-keh ê tuē, thô͘ tshián ê uī; in-uī thô͘ bô tshim, tsiū huat tsin kín; nā-sī ji̍t tshut pha̍k i; in-uī bô kun, tsiū ko͘-tâ." (Má-thài 13:5)

Bô tshim! Tuì tsit ê iā tsíng-tsí ê phì-jū, thô͘ ê tshim-tshián kap lán tuā-tuā ū kuan-hē. Kiat-si̍t pah pē ê tsíng-tsí sī lo̍h-tī "hó thô͘" (Má-thài 13:8), tsiū-sī sîng-si̍t, siān-liông ê sim-tiân nih. Guá siūⁿ hiah ê "thô͘ bô tshim" tshián-po̍h ê lâng, in ê sìⁿ-miā bô sím-mi̍h bo̍k-tik, tsin iông-ī uī-tio̍h un-hô ê tshíng-kiû, hó-thiaⁿ ê káng-tō, kán-tan ê im-ga̍k siū tsó-iū. Piáu-bīn khuàⁿ, in uī Siōng-tè tsuè kang, tsóng-sī "thô͘-tshián", tsuè lâng bo̍k-piau bô tshim-tō͘ bô tsin-sîng, bô tsin-tsiàⁿ jīn-bat Siōng-tè ê tsí-ì khì tsip-hîng ê sim. Só͘-í lán tio̍h hó-hó lâi puê-ióng lán sim-lîng ê thô͘.

Tng tsi̍t ê tshuā-lō͘-tsiá, á-sī tō-iû, tuì tsi̍t ê Lô-má ê sū-ping kóng, ká-sú lí kian-tshî beh kiâⁿ tsit tiâu lō͘, khó-lîng beh sòng-sit sìⁿ-miā. Sū-ping huê kóng, "Guá bô kiâⁿ tsit tiâu buē-sái, m̄-sī bô ua̍h buē-sái-tit." Tse tsiah sī tsin-tsiàⁿ ū tshim-tō͘ ê siong-sìn. Lán tio̍h ū kian-sìn, tsiah ū tsok-uî. Hu-tshián ê sìⁿ-miā só͘ khò ê sī tshiong-tōng, piáu-bīn hiān-siōng, ti̍t-kak, pún-lîng kiû sing-tsûn, tuā-puàⁿ khuàⁿ khuân-kíng. Nā-sī tshim-sìn phín-keh ê lâng, gán-kong uē tshiau-tshut tsiah ê, kha-pō͘ ún-ún, hiòng-tsîng tsìn. I khuàⁿ hiah-ê iu-siong, bo̍k-tsîng piáu-bīn ê sit-pāi, tshò-tsiat, lóng beh siū kái-uāⁿ, píng kè-lâi. In sái-tsûn, tsǹg-kè po̍k-hong-hō͘, o͘-hûn, tsìn-kàu tī teh tán in ê tshàn-lān tuì-huāⁿ.

Siōng-tè it-tàn kā lán tshim-huà, hō͘ lán bîng-liâu tshim-ji̍p ê tō-lí, liáu-kái siōng-tshim ê ò-pì, koh uē tsiong khah tuā ê kuân-pìng kau-tài lán. Tsú ah, tshuā guán tsìn-ji̍p Lí sìⁿ-miā ê tshim-tshù. Tsiong guán sìⁿ-miā hu-tshián ê thó͘-tē thê-sing piàn tshim khí-lâi!

Hō͘ sîn-sìng īⁿ-siōng kàu khuan-khuah tiûⁿ-só͘,
Hō͘ Sìn-sim kap thiàⁿ-sim kàu kuâiⁿ, tshim ê tē-pō͘,
Tsìn-tsîng, hiòng-siōng, uân-tsuân thé-huē khîⁿ-tiâu
I tuì thiⁿ-tíng lâi ê ho͘-tiàu. --- A.B.Simpson


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org