《台語荒漠甘泉（全羅版）》

 | | | 轉寄

" Siōng-tè ê pù-ū kap khóng-khài"

作者 陳清俊 翻譯 2008.07.27

listen


Tshit ge̍h jī-tshit (Tshit ge̍h jī-tsa̍p-tshit ji̍t)

"Īng tsit-ê lâi tshì Guá, khuàⁿ Guá kó-jiân kā lín khui thiⁿ ê thang-á piàⁿ hok-khì hō͘ lín, kàu bô tè thang hē bô?" (Má-la̍h-ki 3:10)

Siōng-tè tī tsit tsat king-bûn kóng, "Tshin-ài ê kiáⁿ-jî, guá iáu teh sú-iōng thiⁿ-tíng ê thang-á, thang-á ê só iáu tshin-tshiūⁿ í-tsîng hiah-nih iông-ī khui, bô siⁿ sian. Sū-si̍t-siōng, guá tsin guān-ì phah-khui in piàⁿ hok-khì hō͘ lín, bô beh ka-kī lâu-teh. Guá bat uī Mô͘-se phah-khui thang-á, tsiong hái-tsuí pun-khui, uī Iok-su-a phah-khui thang-á, tsiong Iok-tàn hô ê tsuí thîng-tsí lâu, tòng khí-lâi; Guá thè Ki-tiân phah-khui thang-á, hō͘ ti̍k-kun tô-tsáu; guá iā uē thè lín phah-khui, tsí su-iàu lín hō͘ guá án-ni tsuè.

"Tī thang-á ê lāi-bīn, guá ê hè-tsûn it-hiòng sī tsin hong-hù. Tsuâⁿ-tsuí, khue-tsuí iáu-sī muá-muá, pó-tsông-khò͘ iáu-sī tsng muá lé-mi̍h. Su-iàu ê m̄-sī tī guá tsit-pîng, sī tī lín hit pîng. Guá teh thìng-hāu lín 'lâi tshì guá', tān-sī lín pit-su si̍t-hîng guá só͘ tīng ê tiâu-kiāⁿ, 'tio̍h tsiong ing-kai la̍p ê tsa̍p-hun-tsi-it, tsuân-jiân sàng-ji̍p hú-khò͘' (tsham-khó Má-la̍h-ki 3:10), hō͘ guá hîng-tōng ê ki-huē."

Guá íng-uán buē buē-kì-tit guá ê lāu-bú tuì Má-la̍h-ki tē 3 tsiuⁿ tē 10 tsat ê kán-bîng ê ì-gī. Hit tsat king-bûn khai-sí kóng, "tio̍h īng tsa̍p-hūn ê tsi̍t-hūn uân-tsuân sàng-ji̍p hú-khò͘", kiat-bé sī "piàⁿ hok-khì hō͘ lín", tsin tsuē kàu bô tè thang hē. Tsóng-sī guá ê lāu-bú kán-iàu án-ni kóng, "Siōng-tè só͘ iau-kiû ê, lóng-tsóng hō͘ I, I ìng-ún hō͘ lán ê, lóng-tsóng kā tsiap-siū."

Siōng-tè só͘ tsuè ê, tshiau-kè lán só͘ kiû ê, sīm-tsì tshiau-kè lán siōng tuā-táⁿ ê tshíng-kiû! Guá tsuè-kūn teh siūⁿ guá m̄-tsai ū juā-tsuē pái kî-tó hiòng I thê-tshut ê só͘-ū tshíng-kiû? Guá tshíng-kiû ê sī juā-tuā? I ū kui-ê ê hái-iûⁿ ê tsuí, guá tsí tshíng-kiû tsi̍t pue tsuí; I ū kui-ê ê thài-iông ê kng, guá tsí tshíng-kiû tsi̍t suàⁿ kng! Guá siōng hó siōng tuā ê iau-kiû iā buē ta̍t kàu tshiau-tshut Thiⁿ-pē ê só͘ uē sù ê lîng-li̍k. I ê lîng-li̍k tshiau-kè guá só͘ uē siūⁿ ê tshíng-kiû hn̄g-hn̄g-hn̄g. --- John Henry Jowett

Lí ìng-ún ê un-tián, guá só͘ tit só͘ niá-siū,
Tshiau-kè guá ǹg Lí só͘ ū ê tshíng-

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com