《宋澤萊新著《天路拾穗》TOJ/台灣字版》

 | | | 轉寄

Tsútê 13：Sòng Te̍klâi kah Gô͘ Kímhuat pittâm kóng honggiân（lênggí）ê kinggiām

作者 Sòng Te̍klâi 2026.05.31

Ta̍hōethâu：Tse sī pittsiá kah Gô͘ Kímhuat ê tsi̍t phiⁿ bīntsheh pittâm. Lāibīn siōng tiōngiàu ê pō͘hūn sī káiphòa Gô͘ Kímhuat kóng honggiân（lênggí）ê sînkî kinggiām, ētàng tsiahni̍h siôngsè koh siôngsi̍t tînsu̍t tshut lâi ê tsin tsió! Gô͘ Kímhuat ê kóng honggiân kinggiām kòetêng tsin to̍kiú te̍ksû, sī tùi Sènglêng kàng tī i singkhu téng, liáuāu iû i tsūhuatsèng kóng tshut lâi ê, khòaⁿ khí lâi tsiok ū khìsè! I inūi ánne kingkòe Sènglêng ê sélé, tshim lònglòng kámsiū tio̍h SiōngTsú só͘ amkhàm ê bôhān òpì.

※Tsiaⁿ Gue̍h 14 tsákhí bīntsheh pittâm：
Sòng Te̍klâi：Góa tú kah Ô͘ Tiôngsiông thong tiānōe, i kóng lí bat kóngkòe "honggiân", iā to̍h sī tsi̍t tsióng kah SiōngTsú kauthong ê gígiân, kóng ê lâng bô ittēng tsaiiáⁿ he sī siáⁿmi̍h ìsù, m̄koh ētàng itti̍t kóng kah bô thêng, mā ū tsi̍tkóa kàuhōe kóng tse kiòtsò "lênggí". Ē tsi̍t pái nāsī Sènglêng ài lí kóng tsit tsióng gígiân, lí m̄thang tī simlāi tsó͘tòng, tshōe tsi̍tê pa̍tlâng thiaⁿ bē tio̍h ê só͘tsāi, tōasiaⁿ kóng tshut lâi, kóng kui kang mā bô iàukín, ti̍tkàu lí thiám à bô siūⁿ beh koh kóng ûitsí lóng thang. Tse mā sī tsi̍t tsióng Sènglêng ê insù, m̄bián kiaⁿhiâⁿ giâugî.

Gô͘ Kímhuat：Góa tāiiok tsa̍p nî tsêng khaisí, tiāⁿtiāⁿ tī pòaⁿmê tshéⁿ khí lâi, hutjiân kóngkhí góa m̄bat ê gígiân, m̄koh he sī ū tso͘tsit ê gígiân, góa tiāⁿtiāⁿ inūi ánne siūⁿ beh tékhòng, itti̍t kàu siūⁿ beh tsètsí ê sî liām "Amen", tsiū ánne thêng lo̍h lâi. Tāiiok nn̄g nî tsêng, koh ū tsi̍t pái, tng góa pòaⁿmê tshéⁿ khí lâi ê sî, tshìthàm lâi khuitshùi, itti̍t kóng, kàu kóng "Amen" ê sî to̍h thêngtsí. M̄koh ji̍tsîthâu kahná bô huattō͘ ánne, tsitmá khah tsió à. Tú khaisí, góa kiaⁿ sī tsingsîn tsèngthâu, āu lâi thauthau'á mn̄g kúiê lâng, in lóng kóng bô tsit tsióng kinggiām; siūⁿ beh mn̄g sînhū, m̄koh thâubóe itti̍t bô khuitshùi. Ūsî khaktēng koh ū tsúntsik kámkak ná tshintshiūⁿ sī kó͘ La̍hting gí, ū nn̄g pái khaktēng sī kó͘ Ji̍tgí, lóng m̄ tsaiiáⁿ i sī siáⁿ ìgī. Góa tsêng kàu taⁿ m̄bat ha̍ksi̍p kòe tsit tsióng gígiân, tsit tsióng kinggiām tshiaukòe 50 pái, bat kah tsi̍tê tsingsîn kho ising pêngiú kóng, i hôetap kóng, "Tshùsò͘ tsiāmtsiām kiámtsió to̍h bô iàukín."

Sòng Te̍klâi：Honggiân sī ingkai tiāⁿtiāⁿ kóng ê, i ē ínkhí tsin tsē sînjiah kîsū; tôngsî mā ētàng kiámkhin simlāi ê iusiong, tit tio̍h anùi.

Gô͘ Kímhuat：Thâukhak sī tshingtshéⁿ ê, tshùi suah itti̍t kóng, m̄koh sim sī pêngtsēng ê, ti̍tkàu góa khuitshùi liām tshut "Amen", to̍h sûisî ē thêng lo̍h lâi.

Sòng Te̍klâi：Góa hō͘ lí tsi̍tkóa kóng honggiân iáⁿphìⁿ, to̍h sī tsit lūi ê gígiân. Kîtiong ū tsi̍tê Bíkok lâng Kam Kiansìn bo̍ksu, sī honggiân ê léngsiù, i ētàng sùnkan ēng Sènglêng phahtó tsi̍t tōa phiàn sìntô͘, lóng sī tùi honggiân lâi ê. Tī iáⁿphìⁿ tiong, Kam Kiansìn sing ēng Inggí kîtó tsi̍t tsām'á, liáuāu to̍h tn̂g sîkan ēng honggiân kîtó, lí sing khòaⁿbāi leh, iáⁿphìⁿ bāngtsí jû hā： http://www.yootube.com/watts？v=9ew4XXc1c5k Lēnggōa ū tsi̍tê iáⁿphìⁿ, mā sī Kam Kiansìn kángtō ê hiāntiûⁿ, ū tsi̍tê simtsōng hōantsiá kóng i ū simtsōng pēⁿ, i khólêng ē sí. Tng i kóngōe ê sî, sī sing ēng Inggí kóng, m̄koh Kam Kiansìn bo̍ksu tôngsî kîtó i ētàng kóng honggiân, liáuāu, i sûisî kóng tshut sio liânsòa ê honggiân. Kam Kiansìn kohtsài kinkì i kóng ê honggiân kā i huane̍k, lāibīn ū tsi̍t kù SiōngTsú ê ōe, kóng i ê simtsōng pēⁿ ē tit tio̍h i hó, i bē sí, tshiáⁿ lí mā khòaⁿ māi! Iáⁿphìⁿ bāngtsí jû hā, Http://www.Yootube.Com/watts? v=rU3NhwqufaI

Gô͘ Kímhuat：Bô m̄ tio̍h, kiaⁿ tsi̍t tiô, tikkhak to̍h sī tsit tsióng gígiân. Tú khaisí ê sî, góa tiāⁿtiāⁿ tī tshn̂g thâu khǹg tsi̍t pún "sèngking", beh khùn tsìntsêng, sûipiān tha̍k tsi̍t tōaⁿ, putti-putkak I tsiū tshuthiān à. Góa ē tī tshn̂g thâu khǹg "sèngking", sī inūi góa thétsit te̍kpia̍t tùi im ê sūbu̍t ū kámèng. Góa siūsé liáuāu, to̍h koh khah ántsóaⁿ to bô im ê lâi óakīn góa, m̄koh hit kóa góa m̄tsai ê gígiân koh khah tiāⁿtiāⁿ tshuthiān à.

Sòng Te̍klâi：Lí kèsio̍k kóng, m̄thang thêng. Tongjiân nāsī ū lâng ētàng huane̍k tshut lâi siōng hó, bô lâng huane̍k mā bô kuanhē. Pêngsiông simtsêng bô hó ê sî to̍h kóng tsi̍tē, simtsêng hó ê sî koh khah ingkai kóng. Tsit tsióng to̍h ētàng hùnliān tshut itliû ê kóng honggiân ê púnléng à. Góa hō͘ lí ê tsiahê iáⁿphìⁿ thang ke khòaⁿ kúi pái, tsingka kakī tùi honggiân ê jīnbat, tsiah bē hō͘ lâng m̄ tsai beh ántsóaⁿ. Hiāntsāi ū kóa kàuhōe huisiông hoántùi sìntô͘ kóng honggiân, tse sī m̄tio̍h ê; in bēhiáu kóng honggiân khiok hoántùi pa̍tlâng kóng, si̍ttsāi tùi Sènglêng tsin sitlé; lí m̄bián tshap in, lí tsīnliōng kóng honggiân lâi tshinkīn SiōngTsú, m̄bián khehkhì.

Gô͘ Kímhuat：Tsìntsêng góa tī Bûnkiànhōe jīm lāi mā ū kóng honggiân ê hiānsiōng, hit sî góa siū bēng tshúlí tiûsiat "Jînkoân Hn̂gkhu" ê jînkoân pênghoán sūbū. Āu lâi koh tiāⁿtiāⁿ tshuthiān tī Pîntong Bûnhòa Tshù, góa ūi tio̍h póhō͘ kó͘tsik, khaisí tsútiuⁿ siuhō͘ hòikhì ê Thiantsú kàutn̂g, jîtshiáⁿ oânsêng kîtiong tsi̍t tsō "Ge̍kkhoân Kàuhōe", góa itti̍t tùi Sèngbó tsin ū kámèng. Gō͘ tsa̍p gōa hòe liáuāu ê góa tshuthiān tsit tsióng sînpì ê kinggiām, si̍ttsāi sī hō͘ góa tōa kiaⁿhiâⁿ ê giâugî à.

Sòng Te̍klâi：%lí ū honggiân to̍h tsīnliōng hiòng Iésu kóng, sing tī simlāi tùi Iésu kóng lí beh kóng honggiân, liáuāu to̍h khaisí kóng. Kóng suah ê sî kohtsài hiòng Iésu sueh tosiā, ánne to̍h ēsái tit à. Kitoktô ittshè lóng tùi Iésu hūtsik, titkiù á sī kóng honggiân lóng lâitsū Iésu ê sìngióng, iûkî sī ittēng tio̍h ū sìn Iésu sí liáuāu saⁿ kang kohua̍h ê sujîn líiû, jîtshiáⁿ káⁿ tī ta̍k lâng ê bīntsêng tōasiaⁿ kóng tshut sìn Iésu kohua̍h ê líiû hō͘ pa̍tlâng thiaⁿ, tsiah tsintsiàⁿ tāikong-kòsêng, sǹg sī tī sìngióng siōng tsiok ū sêngtsiū. Kuanhē Sèngbó, thang tsiāmsî khǹg tī piⁿ'á, pài á sī m̄pài lóng bûsó͘ūi. Kitokkàu ê he̍ksim sìngióng kantaⁿ ū tsi̍t tiám, to̍h sī sìn Iésu sí liáuāu saⁿ kang kohua̍h. Ántsóaⁿ tsiah sǹg sī sìn leh? To̍h sī ài ū kakī to̍kiú te̍ksû ê tsi̍t thò líiû, m̄ koán ántsóaⁿ tio̍h tshōetshut líiû, tsóng kóng tsi̍t kù to̍h sī ài ū tsi̍t thò sio̍k tī kakī ê líiû! Gô͘ Kímhuat, Tī góa simlāi Sèngbó kah Iésu sī tsi̍t thé ê. Góa ê gōakong, a'î, góa saⁿ tāi lâng lóng ū lêng ī thétsit, goán a'î ê tsabó͘ kiáⁿ sīmtsì ē khòaⁿ tio̍h, i tsò hō͘sū m̄ káⁿ tī kahō͘ pâng. Góa tsìntsêng khì kok tsióng biōsī to̍h ē ū kámkak, tsitmá siūsé liáuāu tsin tsūjiân to̍h bô siūⁿ beh tshinkīn hit só͘tsāi, tsí tshun kakī thó͘tē téngbīn tsū sèhàn sêngtióng ê Thótīkong 祠 ūtangsî'á iáu ē tú tio̍h.

※Tsiaⁿ Gue̍h 15 bīntsheh pittâm：
Gô͘ Kímhuat：Êngàm khùn tsêng hōaⁿ"sèngking" kîtó, kàu tsìsêng ê sî kèngjiân kìm bē tiâu bô thêng kóng Png gí, kā "sèngking" sûi hiankhui, honggiân kèngjiân khoàisok tha̍kkòe, tsoânsī m̄bat ê gígiân, gíim tshiautshut 12 imtsat ísiōng, m̄sī pêngsiông ētàng tha̍k ê soktō͘ thò͘tshut, huisiông kiaⁿhiâⁿ ê giâugî lah, tse sī thâu tsi̍tpái thang tsūtsú kóng honggiân. M̄ tsai sī siáⁿmi̍h? Mā kiámtshái tsísī âu im loān kóng? góa siūⁿ tsūjiân to̍h hó, hō͘ i tsūjiân lâikhì siōng hó lah.

Sòng Te̍klâi：Sìntô͘ thâu tsi̍tpái tùi Sènglêng kámtōng ēhiáu kóng honggiân, sòatsiap to̍h ē kakī sûi'ì kóng honggiân, siu pàng tsūiû-tsūtsāi, to̍h kahná thâu tsi̍tpái o̍h ēhiáu siûtsúi, íāu itsing sûisî lóng ē siûtsúi, tse sī tsin tsūjiân ê. Honggiân thang huntsò nn̄g tsióng, tsi̍t tsióng sī tan imtsat honggiân, tsíū kóng tsi̍tê im, pílūn kóng"lah lah lah lah"á sī"tatata tap", tshintshiūⁿ gín'á tútú ēhiáu kóngōe, tse sī píkàu khah kántan ê, pēng m̄sī gígiân, bô huattō͘ huane̍k. Lēnggōa tsi̍tê tsióng sī to imtsat honggiân, pílūn kóng"kham kha̍h lī to lī 帝斯……"tsit tsióng itti̍t kóng, kahná gōakok gígiân, kah itpuaⁿ ê gígiân ēsái kóng sī bô tshapia̍t, tsísī ū tsin tsē tsi̍h im jîí, tsit tsióng to imtsat ê honggiân sī gígiân, inūi ánne ētàng huane̍k, lōeiông khólêng sī oló, mā khólêng sī SiōngTsú kautài ê ōe, nāsī ētàng huane̍k tshutlâi, kóng ê lâng to̍h khólêng ē piànsêng sianti. M̄ koán tan imtsat á sī to imtsat, lóng sī honggiân, lóng lâitsū tī Sènglêng ê insù. Tâioân itpuaⁿ ê kàuhōe tī lépài tsūhōe ê sî bô kóng honggiân, kantaⁿ ū tsi̍t nn̄g ê kàuhōe tī lépài ê sî kiámtshái ē tsòhóe kóng honggiân kúi hun tsing, lí thang hótáⁿ khì kah in tsòhóe kîtó, m̄bián kiaⁿ. Lí kóng ê ingkai sī to imtsat ê honggiân, góa ū tsi̍t phiⁿ bûntsiuⁿ pun saⁿ pái tingtsài tī bānglō͘ "Kitokkàu Thongsìn" ni̍h, kiòtsò, 〈 lí mā ētàng kà lâng kóng honggiân（lênggí）〉, tiámua̍t lu̍t phòa bān. Góa ēhiáu kóng honggiân mā sī tùi Sènglêng ê kámtōng só͘ tòa lâi, m̄koh khiok sī tùi liânsòa liāmsiōng"Halélú'iah"tsit 4 jī, ti̍tkàu Sènglêng kànglîm singkhu téng to̍h ēhiáu kóng honggiân; só͘í góa thang kàutō pa̍tlâng ántsóaⁿ kóng honggiân. Goán Lo̍kkáng Sìngīhōe ê sìntô͘ lóng ēhiáu kóng honggiân, tōapō͘hūn lóng sī góa kàutō ê. Góa tsitmá kā tsit phiⁿ tâm góa ántsóaⁿ kóng honggiân kah ántsóaⁿ kà lâng kóng honggiân ê bûntsiuⁿ thoân hō͘ lí, tsionglâi lí mā thang ánne khì kà lâng kóng honggiân, bāngtsí jû hā, Http://tsristcom.Ning.Com/....../ni-ye-ke-yi-jiao-ren......

Gô͘ Kímhuat：Tsiū lí kóng ê honggiân, góa sī nn̄g tsióng lóng ū, to imtsat ê itti̍t kóng, tiongkan tútn̄g tshuthiān sio liânsòa"tap, tap, tap..."ê liântshoàn khoàisok im, tútn̄g iáu ē ū tsi̍t, nn̄g pái giú tn̂g im tshintshiūⁿ gîm oh.

Sòng Te̍klâi：Ánne sī tsin hó, si̍ttsè siōng sī to imtsat honggiân ni̍h amkhàm tan imtsat; m̄koh tan imtsat honggiân bô huattō͘ amkhàm to imtsat. Tse to̍h sī sī ántsóaⁿ ū tsi̍tkóa kàuhōe ê lâng bē hiáu kóng to imtsat honggiân ê goânin, in kantaⁿ ēhiáu kóng tan imtsat, lí khì in hia tsò lépài, kîtó to̍h ē tsaiiáⁿ à. Ūsî tsūn goán tshiùⁿkua, kā kuasû kái tsò honggiân, to̍h piànsêng lêngkua à.

Gô͘ Kímhuat：Bêngpe̍k, kingkòe lí tsi̍t kóng, góa sim an loh, bē kiaⁿ à. Púnlâi inūi bô huattō͘ tshingtshó huatsing siáⁿmi̍h tāitsì, tī tse tsìntsêng mā m̄bat thiaⁿkòe honggiân ê kónghuat, kantaⁿ siàuliân ê sî tī pō͘lo̍k ê Tsin Iésu kàuhōe tiong, khòaⁿkòe goântsūbîn kîtó, tōasiaⁿ huah; ū kóa lâng tshitshám khàu, lâu ba̍ksái, kiaⁿ tsi̍t tōa tiô, kàu taⁿ iáu ìnsiōng tshimkhik. Góa tshuthiān tsit tsióng hiānsiōng mā m̄ káⁿ tùi lâng kóng, kiaⁿlâng kóng góa"khísiáu"! tsìntsêng kakī tha̍k sèngking, khòaⁿ tio̍h"kóng honggiân"saⁿê jī, lia̍htsò sī teh tsí tongsî Êlúsalèm ê só͘tsāi"honggiân". Sòng Te̍klâi, Tsitmá kóng honggiân ê kàutô͘ kiòtsò Gō͘sûntseh kàuphài, bo̍ktsêng tī A'tsiu, Huitsiu, La̍hting bí kah Bítsiu, tsóngkiōng ū tsi̍t ik gōa lâng, sī sèkài siōng tōa ê Kitokkàu phài. Tī Wiki Pahkho ētàng tshâ tio̍h Gō͘sûntseh kàuphài ê káisueh, khòaⁿbāi leh to̍h ētàng ū tāikhài ê liáukái. Gō͘sûntseh kàuphài ê sìntô͘ bô ittēng lóng ēhiáu kóng honggiân, tāikhài ēhiáu kóng honggiân ê lâng ū 2 tsiâⁿ tsóiū, sǹg khílâi ba̍k tsêngsì kài siōng siōngtsió iáu ū 2 tshingbān lâng ēhiáu kóng honggiân, sò͘bo̍k huisiông pângtōa, pēng bô hikî!

※Tsiaⁿ Gue̍h 16 bīntsheh pittâm：
Gô͘ Kímhuat, kin'áji̍t hujîn khì tông ha̍khōe, bô tī tshù, góa kā mn̂g kuaiⁿ khí lâi tha̍k king, kîtó, ho͘ hiàm Iéhóbah, kèngjiân ū loánliû tùi thâu koàn lo̍hlâi, liáuāu kìm bē tiâu itti̍t kóng honggiân, jîtshiáⁿ ba̍ksái lâu ba̍ksái tih. Góa kòkái tsōe, honggiân tsioktsiok kóng liáu tsi̍t tiámtsing, hókatsài hujîn bô tī leh, nā bô, i kiámtshái ē heⁿh tio̍hkiaⁿ, kámkak putkhó-sugī. Kiatsok liáuāu kui singkhu sùsī sóngkhoài, liāusióng bē kàu ê pêngtsēng. Pa̍tlâng nāsī khòaⁿ góa kóng honggiân, ittēng ē kóng"siáulâng ê gígiân", si̍ttsāi tsiok sînkî lah, jînsing thâu tsi̍tpái hiahni̍h tōa ê tshiongkik. Íāu, góa ingkai ántsóaⁿ hôeèng?

Sòng Te̍klâi：Ti̍t kóng honggiân to̍h íking sī hôeèng à, tshiáⁿ kèsio̍k ēng honggiân kîtó, inūi tùi lí lêngmiā ê sêngtióng ū tōa ê pangtsān kah līik. Tôngsî tshōe ūi pa̍tlâng kîtó ê kihōe, khah tsia̍p ūi kakī ê khantshiú kah kiáⁿjî kîtó, mā ūi tshintsiâⁿ pêngiú kîtó. Bôlūn in ū kiānkhong, kingtsè, kangtsok, singua̍h ê khùnlân, lóng ūi in kîtó. Thang ēng phó͘thong ê gígiân sing kîtó, liáuāu ēng honggiân kîtó, lâi hùnliān kakī kîtó ê hāukó. Ji̍tji̍t kîtó, tsē tsē kîtó.

Gô͘ Kímhuat：Kin'áji̍t ê kinggiām hō͘ góa tsìn tsi̍t pō͘ ū kiantēng ê Kitok sìngióng. Góa phahsǹg beh kā hujîn suatbêng, jîtshiáⁿ ūi khantshiú kah tsabó͘kiáⁿ kîtó. Goán khantshiú mā sī itpuaⁿ bînkan sìngióng tshutsin ê katêng, i kiámtshái it sî tsi kan bô huattō͘ tsoánpiàn liāmthâu, góa tùi Kitok jīnbat suijiân iáu tshián, m̄koh góa ē kā i kóng góa ê thégiām, hō͘ i bêngpe̍k. Kin'áji̍t ê tshiongkik huisiông tōa, sī góa sèⁿmiā ê tiōngiàu thégiām. Tsìntsêng siàuliân sîsiông kā"sèngking" tòngtsò kò͘sū lâi tha̍k, ūsî iáu huisiông tékhòng, bô siūⁿ tio̍h i só͘ kóng ê lóng sī tsinsi̍t ê tsûntsāi.

Sòng Te̍klâi：Sènglêng tùi thâukhak téngbīn koànak lo̍hlâi, tse to̍h sī siū Sènglêng ê sé, sī tsi̍t tsióng tsin tshim ê Kitokkàu thégiām. Lí nāsī tétsiām khǹg bē tíntāng lí ê hujîn lâi siūsé, mā m̄bián kip. Tiāⁿtiāⁿ thè i á sī i ê tshintsiâⁿ pêngiú kîtó, hō͘ i bānbān'á liáukái sìn Kitokkàu ê hótshù to̍h ēsái. Góa siūⁿ i ē tsiapsiū lí ūi i á sī i ê tshintsiâⁿ pêngiú kîtó.

※Tsiaⁿ Gue̍h 20 bīntsheh pittâm：
Gô͘ Kímhuat：Tsísī kóng, kakī iáu bē bêngpe̍k, sī ántsóaⁿ téngpái Sènglêng kànglîm, tōa kóng honggiân, jîtshiáⁿ ba̍ksái lâu ba̍ksái tih tsi̍t tiámtsing kú tsiah thêngtsí. M̄koh tsòikīn nn̄g pái góa kîkiû, I suah 没 koh lâi, tsísī simlāi pêngtsēng. Téngpái Sènglêng lâi ê sî, kui singkhu loánliû sùsī sóngkhoài bôpí, honggiân ná kóng ná kín koh ná khàu. Putkhó-sugī, sūāu, tshintshiūⁿ kui singkhu pī sé tshingkhì itpuaⁿ.

Sòng Te̍klâi：Honggiân ētàng kakī kóng, tio̍hsǹg bô Sènglêng bênghián ê kànglîm mā thang kóng, bô ittēng ài kîkiû.

Gô͘ Kímhuat：Ēkìtit hit sî sī ēpo͘ tsi̍t tiám tsóiū, góa tsi̍tê lâng kuaiⁿ tī siklāi, pòaⁿ kūi leh tha̍k "sèngking" kîtó, ho͘kiû Iéhóbah, Iésu Kitok, I to̍h lâi à. Tī tshingtshó tsūtsú ê kîkiû hē kóng honggiân, íking ū nn̄g pái ê kinggiām. Góa m̄bat ántsóaⁿ kîkiû, tsísī kîkiû Iéhóbah, kîkiû Iésu Kitok saⁿ pái, Sènglêng kèngjiân tsintsiàⁿ lâi à, góa bô sai tsū thong.

Sòng Te̍klâi：Inūi lí íking ū kóng honggiân ê kinggiām, tsíiàu pîn sìnsim, àn tsiàu lí tsêng kúi pái kóng honggiân ê kinggiām, sûisî lóng thang kóng. Nāsī ta̍k pái lóng tio̍h Sènglêng kànglîm tsiah kóng, he iáu bô kàu tsūtsú. Lí tio̍h tsáutshōe kakī tsitmá to̍h ētànḡ kóng tshutlâi., ánne to̍h tāikong-kòsêng à.

Gô͘ Kímhuat：Sèⁿmiā tiong bô jīmhô kinggiām thang píphēng."kui singkhu pī sé tsīn", góa ēng tsitê hêngiôngsû, lí ittēng ētàng bêngpe̍k ìsù.

Sòng Te̍klâi：Sènglêng kànglîm ê bo̍ktik sī hō͘ lí ū sînsèng ê kinggiām, ētàng bêngpe̍k SiōngTsú ê bûsó͘-puttsāi kah sînpì ê Kitok òpì, hō͘ lí tsi̍tē’á to̍h tsìnji̍p Kitokkàu ê tshimtshim ê só͘tsāi. Liáuāu kohtsài tsiàu khíkang tsi̍t pō͘ tsi̍t pō͘ lâi, bānbān'á koh khah se̍ktshiú. Tī Kitokkàu tsákî（Páulô iáu ua̍h leh ê sî）lóng iaukiû sìntô͘ ài siū nn̄gê sélé, tsi̍tê sī tsúi ê sélé, lēnggōa tsi̍tê sī Sènglêng ê sélé. Āu lâi Sènglêng ê sélé pī hòikhì tiāu, sìntô͘ to̍h piàn kah tsin tshiánpo̍h.

Gô͘ Kímhuat：Bô m̄ tio̍h, góa kakī thang kóng, m̄koh góa bô khaktēng he sī m̄sī lênggí, m̄koh Sènglêng kànglîm hit tsi̍t pái, inūi gígiân m̄sī góa só͘ khòngtsè ê, siōng tiōngiàu ê sī kui singkhu pī loánliû pauûi à.

Sòng Te̍klâi：Lí kingle̍k tio̍h ê to̍h sī Sènglêng ê sélé. Nāsī ū kihōe, góa ētàng pôe lí kóng honggiân. Tsitmá lí mā thang khì tsi̍tkóa kóng honggiân ê kàuhōe kah tsin tsē sìntô͘ tsòhóe kóng honggiân. Kah tāike tsòhóe kóng honggiân pí kakī tanto̍k kóng honggiân ē koh khah ū khùila̍t, khìsè koh khah kiôngtāi!

Gô͘ Kímhuat：Tsìntsêng tsa̍p nî, sī tī pòaⁿmê pòaⁿ môa bū tiong tshuthiān kóng honggiân, tshingtshéⁿ tshintshiūⁿ pôngkuantsiá, tsit nn̄g pái mā sī oântsoân tshingtshéⁿ. Inūi khòaⁿ lí ê bûntsiuⁿ beh sìn koh giâugî, tsútōng ho͘kiû SiōngTsú, I kèngjiân tsèngbêng hō͘ góa khòaⁿ, hō͘ góa siōng tōa ê tshiongkik sī, Sènglêng kahná teh kóng,"lí tsitê sìngióng bô kiantēng ê lâng, góa hiánhiān hō͘ lí bêngpe̍k!" Sòng Te̍klâi, lí m̄thang ko͘ tsi̍tê lâng tsáutshōe, ài khì ū Sènglêng ê kàuhōe kah tsin tsē lâng tsòhóe lépài, taptshùikó͘, ánne tsìnpō͘ tsiah ē kín!

Gô͘ Kímhuat： OK.

Sòng Te̍klâi：Khaihòng kakī, bô kiaⁿhiâⁿ khì thiautsiàn, ke khòaⁿ ke o̍h, ánne to̍h ētàng ji̍tji̍t ū tsìnpō͘, jú lâi jú ū tshimtō͘.
──2022, 01, 21 tah tī "Kitokkàu Thongsìn"