《CTT出頭天園地》

I-sap 寓言 47

作者 TLH

47 Sit-khì Búe-liu ê Hôo-lî

Tsi̍t-tsiah hôo-lî búe-liu hōo gia̍p-á gia̍p--tio̍h, ūi-tio̍h beh tô-miā, tsiū kā búe-liu tshuah--tn̄g. Tsi̍t khai-sí, i kám-kak bô búe-liu tsin pháinn-khùann, m̄-kánn tshut-khì kìnn-tsìng. M̄-kú, lōo-búe-tshiú i kuat-tīng beh biān-tùi hiān-si̍t. I tsiū iáu-tshiánn sóo-ū ê hôo-lî lâi khai-káng.

Tāi-ke lóng kàu-ūi ê sî, i kā tāi-ke kóo-bú kóng, “Búe-liu ū nn̄g-hāng bái. Tē-it, hōo ti̍k-jîn jiok ê sî, búe-liu ē hōo káu-á kā--tio̍h. Tē-jī, lán beh tsē lo̍h-lâi khai-káng ê sî, búe-liu tsin tìn-tè. Gúa khùann bē-tshut búe-liu ū sím-mi̍h lōo-iōng, gúa kiàn-gī tāi-ke lóng kā búe-liú tok--tn̄g.“

Tsi̍t-tsiah lāu hôo-lî kā thuh-tshàu, kóng, “Lí kóng-liáu tsin ū tō-lí. M̄-kú, lí iáu-ū búe-liu ê sî, kiám ē án-ne kā gúan kiàn-gī?”

Pa̍t-lâng tsū-su bô ha̍p-lí ê kiàn-gī, m̄-thang tshìn-tshái tsiap-la̍p.