《CTT出頭天園地》

 | | | 轉寄

馬偕之歌 -- 最後的Khiā家

作者 Má-kai 2006.02.19

　　　　Má-kai tsi kua - - Tsuè-āu ê khiā-ke
　　　　馬　偕　之　歌 -- 最　後　的　Khiā　家


Guá tsuân-sim só͘ thiàⁿ-sioh ê Tâi-uân--ah!
我　全　心　所　疼　惜　ê　台　灣　ah！

Guá ê tshing-tshun lóng-tsóng hiàn hō͘ lí.
我　ê　青　春　lóng　總　獻　hō͘　你。

Guá tsuân-sim só͘ thiàⁿ-sioh ê Tâi-uân--ah!
我　全　心　所　疼　惜　ê　台　灣　ah！

Guá it-sing ê huaⁿ-hí lóng tī tsia.
我　一　生　ê　歡　喜　lóng　tī　此。



Guá tī hûn-bū-tiong khuàⁿ-kìⁿ suaⁿ-niá,
我　tī　雲　霧　中　看　見　山　嶺，

Tuì hûn-tiong khang-phāng kuan-bōng tsuân-tē,
Tuì　雲　中　孔　phāng　觀　望　全　地，

Pho-lân tuā-hái iâu-uán ê tuì huāⁿ,
波　瀾　大　海　遙　遠　ê　對　岸，

Guá ì-ài tī tsia thiàu-bāng bô suah.
我　意　愛　tī　此　眺　望　無　suah。



Guá sim buē thang kuah-lî ê Tâi-uân--ah!
我　心　未　thang　割　離　ê　台　灣　ah！

Guá ê jîn-sing lóng-tsóng hiàn-hō͘ lí.
我　ê　人　生　攏　總　獻　hō͘　你。

Guá sim buē-thang kuah-lî ê Tâi-uân--ah!
我　心　未　thang　割　離　ê　台　灣　ah！

Guá it-sing ê khài-lo̍k lóng tī tsia.
我　一　生　ê　快　樂　攏　tī　此。


Ǹg-bāng guá jîn-sing ê suah-bué-tsām,
盼　望　我　人　生　ê　suah　尾　站，

Tī tuā-íng phah huāⁿ ê hiáng-siaⁿ tiong,
在　大　íng　拍　岸　ê　響　聲　中，

Tī ti̍k-nâ iô-tāng ê ìm-iáⁿ--nih,
Tī　竹　林　搖　動　ê　蔭　影　裡，

Tshuē tio̍h tsuè-āu ê khiā-ke.
找　到　一　生　最　後　ê　khiā　家。