《CTT出頭天園地》

I-sap 寓言 36

作者 TLH

36. Lî-á Kap Tshit-thô káu

Ū tsi̍t-kang, tsi̍t-ê tsò-sit lâng lâi kàu i tshī tsing-senn ê liâu-á, khùann i ê tsing-senn. Liâu-á lāi ū tsi̍t-tsiah i siōng kah-ì ê lî-á. Tsit-tsiah lî-á ta̍k-kang tsia̍h-pá îng-îng, tsài tsú-lâng sì-kè khì tshit-thô.

Tsit-piàn, tsú-lâng tshūa lî-á kap tsi̍t-tsiah tshit-thô káu-á tsò-húe tshut--khì. Tsit-tsiah káu-á tsin huann-hí, tī tsú-lâng ê sin-pinn thiàu-lâi thiàu-khì, koh iōng tsi̍h tsīnn tsú-lâng ê tshiú. Tsú-lâng tsē--lo̍h--lâi, tùi i ê lak-tē-á jîm hó-tsia̍h mi̍h hōo káu-á tsia̍h. Káu-á thiàu-tsiūnn tsú-lâng ê tūa-thúi, hōo tsú-lâng kā so hīnn-á, huann-hí kàu ti̍t-ti̍t nih ba̍k-tsiu.

Lî-á khùann tī gán-lāi, khai-sí kún-liòng, liòng khui pa̍k tī sin-khu ê soh-á, o̍h káu-á giâ-thâu tūa-pōo tūa-pōo ti̍t-ti̍t kiânn. Tsú-lâng khùann-tsi̍t-ē jím-bē-tiâu sùa tshiò--tshut-- lâi. Lî-á huann-hí tsi̍t-ē, kiânn úa tsú-lâng ê sin-pinn, kā tsîng-kha tà tī tsú-lâng ê king-kah-thâu, siūnn beh peh-tsiūnn tsú-lâng ê tūa-thúi.

Tsit-sî, tsú-lâng ê tn̂g-kang kúann-kín gia̍h kùn-á tùi lî-á ê sin-khu kā kòng--lo̍h--khì, kóng, “ Oo-pe̍h lâi! Lí teh kún sím-mi̍h sńg-tshiò!”