《台灣諺語鹹酸甜》

人hán，tùe人hán；人娶娘，我娶kán

作者 Lahjih

老江--ē!最近買啥麼股？看你嘴笑目笑，滿面春風，趁bē少ê款--ôo！

a̍h有？ah-to「人hán，tùe人hán；人娶娘，我娶kán」，tùe洪大--ē買兩三支啦，人洪大--ē資金粗，看會光thang，算會準，tsit擺買電電股，連起一禮拜，今á日漲停板，m̄趁beh歸百萬，我--òo，賺這7.所費á，比薪水無卡輸啦！ah你leh？

我？我kap你無仝款，看報紙，分析股市，看有穩--è才加減買--兩張à，m̄敢傷冒險，趁是無外tsē，不過卡放心，心肝卡bē tùa-hia phòng--一下naih--一下。Tùe大戶有tùe大戶ê好處，就親像你講--è:「人hán，tùe人hán；人娶娘，我娶kán」，分一屑á肉幼á，mā bē-bái孔。m̄-kú若是tùe tio̍h人leh炒作，炒bē khit來ê時陣，跌停板敢會hōo你套牢bē翻身！

Phúi.phúi.phúi！大妗嘴，烏鴉嘴，無講mai3thih8，見講就無好代誌。

人tng-leh趁，你suahlehka7人潑冷水，雖然是真理，人mā m̄聽你，莫怪tsín ê時代，tsín ê社會，人人都leh炒股票，iáu m̄是「人hán，tùe人hán；人娶娘，我娶kán」，tshūe幾個真正瞭解股市leh做正式投資，hán hán huah huah ê生理卡鬧熱，ioh來ioh去有起有落ê市場卡精彩。

【註解】：1.hán：hán。2.光thang：透明清楚。3.漲停板：tiòng-thîng-pán。4.phòng：[凸]。5..naih:[凹]。6.分一屑á肉幼á：[分一杯羹]。7.mā bē-bái孔：[也不錯]。8.Phúi.phúi.phúi！：[呸呸呸]。9.大妗嘴，烏鴉嘴：出嘴無好話ê意思。10.tng-leh趁：[正在賺]。11.kán：kán婢女。