巴克禮普世版（試讀本） 約翰福音第十五章
耶穌是真ê葡萄 樹
1「我是真ê葡萄 樹，我ê天父是栽葡萄ê人。2連tī我ê枝無結 果 子.ê，祂就kā它剪 除；有結 果 子ê枝，祂就kā它修 剪，hō͘它結koh khah-tsē果 子。3 Taⁿ因為lín接 受我所kā lín講ê道理，lín已經hō͘祂修 整好勢à。4 Lín tio̍h kah我結 聯，我mā kah lín結 聯。Tú親 像枝無連tī葡萄 樹，家己bē結 果 子。Lín若無kah我結 聯，mā是會án-ne。」5我就是葡萄 樹，lín就是枝；tiàm tī我內面ê，我mā tiàm tī伊ê內面，就結 果 子真tsē，因為kah我相離，lín就bē做 甚 麼。6人若無kah我結 聯，會像樹 枝hō͘人hiat去外 面suah乾去。人kā in拾做堆，hiat落 火去燒。7 Lín若kah我結 聯，我ê話tī lín內面，lín ài甚 麼，求就會kā lín成 全。8 Lín若結真tsē果 子，真 正做我ê門徒，我ê天父會因為án-ne得tio̍h榮 光。9親 像天父有疼我，我mā有疼lín，lín tio̍h tiàm tī我ê疼內面。10 Lín若遵 守我ê誡 命，lín就會tiàm tī我ê疼內面；親 像我有遵 守我ê天父ê誡 命，tiàm tī祂ê疼內面。」11「我kā lín講tsiah-ê tāi-tsì，是beh hō͘我ê歡 喜tiàm tī lín內面，koh hō͘ lín ê歡 喜滿 滿。12親 像我有疼lín，lín tio̍h相 疼。這是我ê命 令。13人 為tio̍h朋 友犧 牲性 命，無koh有比這khah大ê疼。14 Lín若遵 守我ê命 令，lín就是我ê朋 友。15我無koh叫lín做 奴僕，因為奴僕m̄知主 人teh做 甚 麼。Taⁿ我 已經叫lín做 朋 友，因為我tuì天父所聽tio̍h.ê，lóng有kā lín講à。16 M̄是lín揀 選我，是我揀 選lín，mā任 命lín，hō͘ lín去結 果 子，koh hō͘ lín ê果 子久長保 存，án-ne hō͘ lín會-tàng奉 我ê名來對天父求，祂lóng會kā lín成 全。17這是我hō͘ lín ê命 令，Lín tio̍h相 疼。」
世 間 人ê怨 恨
18「世 間 人若怨 恨lín，lín tio̍h知伊怨 恨lín以 前to̍h tāi-先怨 恨我。19 Lín若屬tsit世間，世 間 人就會看lín做家己ê人來 疼lín，m̄-koh我 已經kā lín tuì世間揀 選出 來，所以世 間 人會怨 恨lín。20 Lín tio̍h記tiâu我kā lín講ê話：奴僕bē比主 人khah大。人 若迫 害我，mā會迫 害lín；in若遵 守我ê話，mā會遵 守lín ê話。21 M̄-koh因為lín是我ê門徒，in就會án-ne對 待lín，因為in m̄-bat差 派我來ê Hit位。22我若無來kā in講，就無 罪，taⁿ in無法 度為家己ê罪來辯 解。23怨 恨我ê人mā會怨 恨我ê天父。24我tī in中 間若無做別 人m̄-bat做ê tāi-tsì，in就無 罪，m̄-koh taⁿ in有 看tio̍h我所做ê工 作，iáu-koh teh怨 恨我kah天父。25這是beh應 驗in ê律 法所記載ê話：In無緣無故怨 恨我。(註：詩35：19；69：4) 26 Hit位保惠師，就是真理ê聖 神，會tuì天父hia來lín tsia。我tuì天父hia tshe聖 神來lín tsia，是beh為我做 見 證。27 Lín mā tio̍h為我做 見 證，因為lín tuì起 頭to̍h kah我做伙。」
|
|
|
轉寄