《耶穌言行錄》

Tē-10-tsiunn,Pik-lī-hîng suè-hàn ê gín-ná

作者 Ko Kim-sing.

listen

（Má-thài 2：12-18）
Phok-sū tshē-tio̍h Iâ-soo，tsīu tuì pa̍t tiâu lōo tò-khì，bô khì pò Hi-lu̍t，in-uī Siōng-tè ū bi̍k-sī in.Hi-lu̍t ông thiann-kìnn phok-sū tsuē in tò-khì，tsīu tuā sīu-khì，i tsûn-sim beh hāi-sí Iâ-soo，nā-sī m̄-tsai tah-lo̍h tsi̍t ê sī，sóo-í tsīu tsiong Pik-lī-hîng kíng-lāi bē tsīunn nn̄g-hè ê ta-poo gín-nà lóng thâi-sí，phah-sǹg Iâ-soo tik-khak tī hiah ê gín-ná ê tiong-kan.Mā-sī Siōng-tè ū pó-hōo Iâ-soo，tshe thinn-sài bi̍k-sī Iok-sik，kah i tioh8tshua7 Enn-á kap lāu-bú tsáu-khì Ai-ki̍p.Iok-sik suî-sî thàu-mî tshuā in tsáu-khì hioh tī Ai-ki̍p.Iok-sik khì bô luā-kú，Hi-lu̍t ê ping tsīu kàu，lâi tsâu Pik-lī-hîng ê gín-ná.Hit jiy8 thong hit sóo-tsāi sī tuā tshinn-tshám，tsóng-sī hiah ê gín-ná ê kan-khóo sī tsiām-sî，in-uī in kánn liâm-pinn tsīunn thinn，tit-tio̍h hok-khì.Tsuè pē-bú ê lâng khah iu-būn，tshin-tshīunn sìng-tsheh kóng，Lia̍p-kiat khàu kiánn ê khuán-sit，tsīu-sī kóng，"Tī Lia̍p-má ū thiann-kìnn pi-siong，ai-tshiám，thî-khàu，tuā iu-bun ê siann，Lia̍p-kiat khàu kiánn，in-uī bô khì，sóo-í bô sīu an-uì. "

思羅安台語點字網站