《耶穌言行錄》

Tē-12-tsiunn,Kiânn súe-lé Iok-hān

作者 Ko Kim-sing.

listen

（Má-thài 3：1-12；Lōo-ka 3：1-20）
Kiânn súe-lé Iok-hān ka-kī khiā tī Iû-thài ê khòng-iá，sī ài tsuan-sim ho̍k-sāi Siōng-tè.In-ūi sī tsùe Tsú ê sian-hong，sóo-í Iâ-soo bē tshut-thâu ê sî，i tāi-sing tshut-lâi kóng tō-lí.Sóo tshīng ê ，sī lo̍k-tô mn̂g；sóo hâ ê ，sī phê ê tùa；sóo tsia̍h ê，sī tsháu-meh，iá-bi̍t.Iok-hān tshut siann kóng，"Thian-kok kūn lah，lín tio̍h húan-húe. "

Tsūe-tsūe lâng thiann i sóo kóng，jīn ka-kī ê tsūe，tùi i niá súe-lé.Ū lâng phah-sǹg i sī Ki-tok，Iok-hān kā in kóng，"Gúa m̄-sī Ki-tok，ū tsi̍t ê pí gúa khah tūa ê，tsiū-sī Ki-tok；I lâi m̄-sī tshin-tshiūnn gúa īng tsúi kiann4 súe-lé，sī īng Sìng Sîn kā lâng súe. "

Hit-tia̍p ū lâng bô bîng-si̍t húan-húe lâi kiû súe-lé.Iok-hān tsik-pī kóng，"Lín tio̍h īng tsin-si̍t ê sim húan-húe kiat hó ê ké-tsí. "In ū tsi̍t hāng tūa tshò-gōo，tsiū-sī khò ka-kī tsùe A-pik-lia̍p-hán ê kiánn-sun，sóo-í Iok-hān kà in m̄-thang án-ni，tio̍h o̍h A-pik-lia̍p-hán ê sìn，sūn thàn Siōng-tè ê ì-sù；tsiū īng phì-jū kóng，"Hūan-nā tshiū bô kiat tsūe-tsūe hāng hó ê ké-tsí，tsiū-sī jîn-ài，hô-pîng，siān-liông，tsīn-tiong，sìn-si̍t，khiam-pi，jîn-tsû，thun-lún，un-jiû，tsiah ê ké-tsí；án-ni ūe hián-bîng senf5-si̍t húan-húe thiànn Siōng-tè.Nā-sī tsit hō m̄-sī lán ka-kī ūe，tsiū-sī tùi Sìng Sîn.Lán ka-kī sim-lāi ê ké-tsí ta̍k hāng sī pháinn，tshin-tshiūnn tshì-phè；sóo-í tio̍h kiû Siōng-tè īng Sìng Sîn tiàm lán ê sim，hōo lán tû-khì ta̍k hāng ê pháinn，ūe tsiânn ta̍k hāng ê hó，hōo Siōng-tè huann-hí.

思羅安台語點字網站