《耶穌言行錄》

Tē-13-tsiunn,Iâ-soo niá sué-lé

作者 Ko Kim-sing.

listen

（Má-thài 3：13-17；Má-khó 1：9-11；Lōo-ka 3：21，22）
Hit sî Iâ-soo tuì Ka-lī-lī lâi Iok-tàn hô，tsīu-kūn Iok-hān beh niá sué-lé，Iok-hān m̄-kánn I kiânn sué-lé，sî i kóng，"Guá ing-kai tio̍h sīu Lí ê sué-lé，Lí huán-tńg lâi tsīu-kūn guá mah？"Iâ-soo ìn kóng，"Tann tshiánn iông-ún guá，in-uī lán tio̍h án-ni lâi tsīn lé-sòo. "Iok-hān tsiah kā I kiânn sué-lé.Iâ-soo niá sué-lé liáu tuì tsuí khí-lâi，thinn khui，ū Siōng-tè ê Sîn tshin-tshīunn tsínn-á kàng-lîm tī I ê tíng-bīn，ia̍h ū siann kóng，"Tse sī Guá thiànn ê Kiánn，Guá sóo huann-hí ê. "Án-ni hián-bîng ū Sam-uī-it-thé，tsóng-sī tsit hō ê tō-lí sī tsin ò-biāu，lán buē-uē lóng bîng-pi̍k.Tsiàu Sìng-tsheh sóo kì-tsài Pē Siōng-tè tshe Iâ-soo lâi sè-kan tsuè Kìu-tsú，hōo sìn-khò I ê lâng uē tit-tio̍h sià-bián tsuē.Kiánn Siōng-tè hōng-tshe lâi sè-kan thuè lán sīu kan-khóo，kiânn tsa̍p-tsn̂g ê gī；án-ni īng I ê kong-lô jia-khàm sìn I ê lâng.Sìng Sîn Siōng-tè sī tîng-thâu-sinn lâng ê sim，hōo lâng uē hiáu-tit sìn-khò Iâ-soo，ho̍k-sāi Siōng-tè.

思羅安台語點字網站