《耶穌言行錄》

Tē-16-tsiunn,Iâ-soo tsio ha̍k-sing

作者 Ko Kim-sing.

listen


（Iok-hān 1：35-52）
Kè ji̍t Iok-hān i nn̄g ê ha̍k-sing the khiā，khuànn-kìnn Iâ-soo the kiânn，tsīu kā i ê ha̍k-sing kóng，"Khuànn Siōng-tè ê Îunn-ko. "Nn̄g ê ha̍k-sing thiann-kìnn tsit ê uē，tsīu tè Iâ-soo.Iâ-soo ua̍t thâu khuànn-kìnn nn̄g ê ha̍k-sing tè I，tsīu mn̄g kóng，"Lín beh kîu sím-mi̍h？"In ìn kóng，"Sian-sinn，lí tah-lo̍h khiā？"Iâ-soo kóng，"Tè guá lâi khì khuànn. "Tsīu khì khuànn I sóo tiàm ê sóo-tsāi，sann-kap hioh tī hia，tit-tio̍h tsin hó ê ki-huē thang thiann Iâ-soo ê kà-sī.In tiong-kan tsi̍t lâng，tsīu-sī An-tik-lia̍t.I khì kā i ê hiann-tī Se-bûn kóng，"Guán ū tú-tio̍h Bí-sài-a，"tsīu tshuā i khì kìnn Iâ-soo.Iâ-soo khuànn tsīu kóng，"Lí sī Iok-hān ê kiánn Se-bûn，beh tshing-hoo tsuè Ki-huat. "（Ki-huat kap Pí-tik sī sann-tâng ê ì-sù.Ki-huat sī Hi-pik-lâi ê im，Pí-tik sī Hi-la̍ip ê im，ì-sù sī tsio̍h）.Pí-tik āu lâi tsuè sù-tôo，tsīu-sī tsa̍p-jī ê tsi̍t-ê.

Koh kè-ji̍t，Iâ-soo beh khì Ka-lī-lī，tú-tio̍h Hui-li̍k，tsīu kā i kóng，"Tè guá. "Āu-lâi Hui-li̍k khì kā Ná-tàn-gia̍p kóng，"Môo-se ê lu̍t-huat kap Sian-ti ê tsheh sóo kì ê lâng，guán ū khuànn-kìnn，tsīu-sī Iok-sik ê kiánn，Ná-sat-li̍k ê lâng Iâ-soo. "

Ná-tàn-gia̍p tuì i kóng，"Ná-sat-li̍k kiám uē tshut sím-mi̍h kàu juā-hó ê lâng mah？"Hui-li̍k knog2，"Lí lâi lhuann3. "Iâ-soo khuànn-kìnn Ná-tàn-gia̍p lâi tsīu kóng，"Tsit ê sîng-si̍t sī í-sik-liat ê lâng，bô kan-tsá ê. "Ná-tàn-gia̍p tuì Iâ-soo kóng，"Tsáinn-īunn uē bat guá？"Iâ-soo ìn i kóng，Hui-li̍k iáu-bē kiò lí，lí tī bû-hua-kó tshīu-ē，guá í-king khuànn-kìnn lí lah. "Ná-tàn-gia̍p tsīu kóng，"Sian-sinn tsin-tsiànn sī Siōng-tè ê Kiánnn，í-sik-lia̍t ê ông. "Iâ-soo kóng，"Guá kóng，Bû-hua-kó tshīu-ē，khuànn-kìnn lí，lí sìn hòonn？Āu-lai5li2 uē khuànn pí tsit ê tāi-tsì koh-khah tuā ê ，tsīu-sī uē khuànn thinn khui，Siōng-tè ê tshe-sài tsīunn-lo̍h tī Jîn-tsú ê tíng-bīn. "

Lán tsuè Iâ-soo ê ha̍k-sing，tio̍h o̍h tshin-tshīunn An-tik-lia̍t，Hui-li̍k，ín-tshuā lâng lâi tsīu-kūn Iâ-soo.Ia̍h tio̍h o̍h Ná-tàn-gia̍p sîng-si̍t bô kan-tsà ê khuán-sit.

思羅安台語點字網站