《耶穌言行錄》

Tē-17-tsiunn,Tsuí pìnn tsíu

作者 Ko Kim-sing.

listen


（Iok-hān 2：1-11）
Kè sann ji̍t，Iâ-soo tsīu khì Ka-lī-lī ê Ka-ná siânn，tī hia ū lâng tshuā sin-nîu.Iâ-soo kap lāu-bú tsham ha̍k-sing lóng hōo i tshiánn，ia̍h ū tsuē-tsuē lâng-kheh.Tsíu tsi̍t-ē tsia̍h liáu，Iâ-soo ê lāu-bú kā Iâ-soo kóng，"In bô tsíu lah. "Iâ-soo tsai i ài tsi-phuè Siōng-tè ê kuân-lîng，tsīu kóng，"Lāu-bú ah，guá kap lí sím-mi̍h kan-sia̍p？"I ê lāu-bú kā lôo-po̍k kóng，"Iâ-soo nā huan-hú lín xhue3 sím-mi̍h，tio̍h thàn. "

Tī hit sóo-tsāi ū la̍k ê tsio̍h-àng，ta̍k ê uē tué-tit tsio̍h-guā ê tsuí，Iâ-soo kóng，"Àng ta̍k ê tio̍h īng tsuí hōo i muá. "In tsīu hōo i muá kàu lîm tshut-lâi.Iâ-soo koh kóng，"Tio̍h íunn phâng khì hōo pān-toh ê lâng. "In tsīu íunn phâng khì，tsuí í-king pìnn tsuè tsíu.Pān-toh lim tshì-khuànn，tsīu kiò sin-kiánn-sài kóng，"Lâng íng sī tāi-sing īng hó-tsíu tshiánn lâng-kheh，āu-lâi īng khah po̍h ê，lí huán-tńg hó-tsíu siu kàu tsit-tia̍p. "Tsit ê sī Iâ-soo khì-thâu kiânn ê sîn-jiah tī Ka-lī-lī ê Ka-ná.

Kū-iok ia̍h ū kì-tsài kiânn sîn-jiah ê tāi-tsì；tshin-tshīunn Môo-se ū hōo tsuí pìnn-tsuè huih；hōo khóo ê tsuí pìnn-tsuè tinn，phah tsio̍h-puânn hōo tsuí alu5 tshut-lâi；koh kiânn kuí-nā hō ê sîn-jiah，tsóng-sī in sóo kiânn bô kap Iâ-soo sann-tâng.In tio̍h thìng-hāu Siōng-tè kah in kiânn，ia̍h tio̍h uá-khò Siōng-tè ê kuân-lîng tsiah uē.Iâ-soo m̄-sī án-ni，sī ka-kī ū kuân-lîng uē tsuè，in-uī I pún sī Siōng-tè.

思羅安台語點字網站