《耶穌言行錄》

Tē-18-tsiunn,Iâ-soo tsíng-tùn Sìng-tiān

作者 Ko Kim-sing.

listen


（Iok-hān 2：12-17）
Iâ-soo tuì Ka-ná khì Ka-pik-lông，koh bô kuí ji̍t tsīunn Iâ-lōo-sat-líng beh síu Puânn-kè tsueh，ji̍p tiān khuànn-kìnn lâng buē gû，îunn，tsínn-á，ia̍h ū lâng the uānn gûn.Iâ-soo īng soh-á tsuè pinn kuánn tsing-sinn，gû，îunn tshut tiān，tshia-tó uānn gûn ê lâng ê toh，koh kā buē tsínn-á ê lâng kóng，"Tsiah ê mi̍h tio̍h the̍h-khì，m̄-thang tsiong guá ê Pē ê tshù tsuè bué-buē ê tshù. "Lūn tiān，tsá Sóo-lô-bûn khí put-tsí suí，hōo Nî-pòo-kah-nî-sat ê ping sio huí-huāi.Tsit king sī peh-sìnn tuì Pa-pí-lûn tò-ali5 tsiah koh khì ê，tsóng-sī bô hiah suí，ia̍h ū sit-lo̍h kuí-nā hāng pó-puè ê mi̍h，kàu Hi-lu̍t ông ê tshíu koh siu-tsíng khah tuā，ia̍h ki̍k suí，*ki̍k tshòng.Îu-thài lâng khuànn tio̍h，ta̍k ê tsin huann-hí o-ló.Sui-jiân án-ni，tī tiān-lāi ho̍k-sāi Siōng-tè ê khuán-sit tsuē-tsuē hāng m̄-tio̍h，sóo-í hōo Iâ-soo sīu-khì.Tann lán ji̍p lé-pài-tn̂g sui-jiân bô bué-buē ê tāi-tsì，iáu-kú bô tsuan-sim tì-ì thiann tō-lí，ū sīunn tsuè kang，tsuè sing-lí，pa̍t hāng sai-khia ê tāi-tsì，tse lóng sī tshin-tshīunn hit sî Îu-thài lâng tī tuān-lāi the tsuè bué-buē tsi̍t-īunn，Iâ-soo tik-khak m̄ huann-hí；sóo-í lán tī lé-pài-tn̂g tio̍h īng tsuan-sim thiann tō-lí，kîu Siōng-tè síunn-sù Sìng Sîn kám-huà，hōo lán ê sim uē siu-khǹg tō-lí，tit-tio̍h tuā ê lī-ik，bián hōo Siōng-tè sīu-khì.

思羅安台語點字網站