《耶穌言行錄》

Tē-2-tsiunn,Îu-thài lâng

作者 Ko Kim-sing.

listen

Hit-tia̍p Lô-má lâng ài îng-hián，sì-kuè pà-tsiàm lâng ê thóo-tuē，tì-kàu thinn-ê tsha-put-to ta̍k kok sio̍k in,Îu-thài kok ia̍h sī án-ni.Lô-má hông-tè tsīu hong Hi-lu̍t tsuè ông kuán-hat in.Hit-sî Îu-thài lâng îu-guân síu in ê tsueh-kî，ia̍h hiàn-tsè Siōng-tè，tsóng-sī khah-tsuē sī guā-phê.In tiong-kan ū tsi̍t kàu，mâi kiò Huat-lī-sài，síu Môo-se ê huat-tōo lé-sòo，in-uī án-ni tsū-tshing tsuè hó. Ū sî khiā tī kue-lōo，tn̂g-tn̂g kî-tó，tiâu-kòo-ì hōo lâng khuànn；tsóng-sī in ê sim bô tsin-si̍t thiànn Siōng-tè，bô tsiàu kong-gī khuán-thāi lâng；uá-khò ka-kī，bô uá-khò Iâ-soo,sóo-í buē tit-tio̍h Siōng-tè tsiap-la̍p.

Iâ-soo bat kā ha̍k-sing kóng，"Lín ê gī nā bô khah-iânn Huat-lī-sài lâng ê gī buē ji̍p thian-kok"（Má-thài 5：20）.

Koh ū tsi̍t kàu miâ kiò Sat-thóo-kai,koh-tsài ua̍h ê tāi-tsì，ū thinn-sài，lâng ū sîn-hûn tsit hō ê tō-lí，in m̄-sìn，kóng lâng tsīu suah.Kai-tsài Îu-thài lâng iáu-kú ū-ê tsin-sit kìng Siōng-tè，sìn sìng-tsheh sóo kì-tsài；ia̍h tsai Bí-sài-a lâi ê sî beh kàu，ta̍k ji̍t the thìng-hāu.Lūn lán tsit-tia̍p pí tsá ê Îu-thài lâng khah tsai,in-uī lán ū Sin-iok ê tsheh.Tsit ê tsheh sóo kì-tsài khah-tsuē sī kóng Iâ-soo kìu lâng ê huat-tōo.

Siat-sú lán tha̍k Sìng-tsheh lóng tsai Iâ-soo ê tāi-tsì，ia̍h bô tsin-si̍t thiànn I;á-sī tshuì kóng sī I ê ha̍k-sing ia̍h bô thàn，sī bô khah-iânn Huat-lī-sài lâng，sóo-í lâng tio̍h hōo Sìng Sîn tîng-thâu-sinn tsiah uē tsuē Siōng-tè tsin-si̍t ê peh-sìnn.

思羅安台語點字網站