《耶穌言行錄》

Tē-19-tsiunn,Nî-ko-tí-bóo

作者 Ko Kim-sing.

listen


（Iok-hān 3：1-21）
Huat-lī sài-kàu ū tsi̍t ê miâ kiò Nî-ko-tí-bóo，sī tsuè Îu-thài kuann.I thiann-kìnn lâng kóng Iâ-soo kiânn luā-tsuē ê sîn-jiah，sim tsīu phah-sǹg Iâ-soo tik-khak sī Siōng-tè sóo tshe ê lâng，him-bōo ài khuànn I；sóo-í ū tsi̍t mî khì tsīu-kūn.Kìnn-tio̍h tsīu kóng，"Sian-sinn，guán tsai lí sī tuì Siōng-tè lâi ê sian-sinn，in-uī lí sóo kiânn ê sîn-jiah nā m̄-sī Siōng-tè pì-īu，bô lâng uē kiânn. "Iâ-soo kóng，"Lâng nā bô tîng-thâu-sinn，buē-uē khuànn-kìnn Siōng-tè ê kok. "Nî-ko-tí-bóo kóng，"Lâng í-king lāu，tsáinn-īunn uē tîng-thâu-sinn？"Iâ-soo kóng，"Nā bô tuì tsuí，tuì Sìng Sîn lâi sinn，buē-uē ji̍p Siōng-tè ê kok；tuì sing-khu sinn ê，tsīu-sī sing-khu；tuì sîn sinn ê，tsīu-sī sîn. "Nî-ko-tí-bóo thiann buē hiáu-tit，Iâ-soo tsū īng phì-jū kué-bîng kóng，"Hong tshut-tsāi i the tshe，thiann i ê siann m̄-tsai tuì tá-lo̍h lâi，tuì tá-lo̍h khì；Sîn sinn ê ia̍h sī án-ni.Guá kóng，Tik-khak tio̍h tîng-thâu-sinn，bo̍h-tit kî-kuài tsit ê uē.Tsāi-tsá Môo-se kú-khí tsuâ tī khòng-iá，jîn-tsú hōo lâng kú-khí ia̍h tshin-tshīunn i.Siōng-tè tsiong to̍k-sinn ê Kiánn síunn-sù sè-kan。Hōo sìn I e lâng m̄-sái tîm-lûn。Uē tit-tio̍h íng-ua̍h.I thiann sè-kan ê lâng kàu án-ni；Siōng-tè tshe I ê Kiánn lo̍h-lâi sè-kan，m̄-sī beh tīng sè-kan lâng ê tsuē；sī beh lâi kìu sè-kan.
"Nî-ko-tí-bóo hit mî thiann Iâ-soo ê kà-sī kánn ū sìn，in-uī i āu-lâi nn̄g pái hián-bîng hó-tánn ê sim lâi jīn Iâ-soo.

思羅安台語點字網站