《耶穌言行錄》

Tē-20-tsiunn,Iok-hān kuainn-kann

作者 Ko Kim-sing.

listen


（Má-thài 14：1-5；Má-khó 6：17，18；Lōo-ka 3：19，20）
Bô juā ku2kiann5 sué-lé ê Iok-hān hōo Hi-lu̍t lia̍h khì kuainn-kann.Tsit ê Hi-lu̍t sī kuán Ka-lī-lī ê jîn-kun.Má-khó kio i tsuè ông；Má-thài，Lōo-ka kio I tsuè hun-hong ê kok-kun.Khuànn guā-tsheh tsīu tsai i koh ū mia5kio3 An-thê-phànn，koh ū hiann-tī tsa̍p-sóo-lâng，tiong-kan Sìng-tsheh ū koh kì-tsài nn̄g lang ê miâ nā-tiānn，tsīu-sī A-li-ló kap Hui-li̍k. Tsá hit ê thâi-sí Pik-lī-hîng ê enn-á ê Hi-lu̍t sī in ê lāu-pē.Khó-sioh kiánn tsuē-tsuē o̍h in ê lāu-pē ê pháinn，tsân-jím，koh luān-lûn，tshin-tshīunn Hui-li̍k tshuā ti̍t-lú miâ Sat-lô-bí tsuè bóo.Āu-lâi tsi̍t-ê sió-tī An-thê-phànn lî ka-kī ê hū-jîn-lâng，ín-íu hiann-só Hi-lo-tí pàng-sak tiōng-hu，An-thê-phànn tsīu tsiap-la̍p i tsuè ka-kī ê bóo.Tsit ê tāi-tsì hōo Iok-hān tuā-tuā tsik-pī，ông-hōo nn̄g lâng tuā sīu-khì，lia̍h Iok-hān；Hi-lô-tí ài thâi i，Hi-lu̍t hit tia̍p m̄-kánn，tsīu lâu tī kann nih nā-tiānn.

Tse sī hōo lán tsai lâng ê sim-sìng pháinn，kiau-ngpu7，m̄ ài sīu lâng ê khóo-khǹg tsik-pī.Siông-siông khuànn lâng kiânn m̄-tio̍h，hōo bo̍k-su á-sī hiann-tī lâi tsik-pī，liâm-pinn bô huann-hí，sīu-khì m̄ thiann i.Tse lóng-sī m̄ tio̍h，lan2lang5 ing-kai tio̍h ū khiam-sùn ê sim，huann-hí thiann lâng ê khóo-khǹg，tshin-tshīunn Sóo-lô-bûn kóng，"M̄-ti̍h kà-sī ê lâng，sī khuànn-khin ka-kī ê sìnn-miā；nā-sī thiann-siu khóo-khǹg tik-khak tit-tio̍h tshang-miâ. "

思羅安台語點字網站