《耶穌言行錄》

| | | 轉寄

Tē-22-tsiuⁿ,Ông ê jîn-sîn ê hāu-siⁿ

作者 Ko Kim-sing. 2008.09.07

（Iok-hān 4：46-54）
Kè nn̄g ji̍t，Iâ-so͘ tuì Sat-má-lī-a khí-sin khì kàu Ka-lī-lī síng ê Ka-ná siâⁿ，tsiū-sī tsîng-ji̍t īng tsuí pìⁿ tsuè tsiú ê só͘-tsāi.Ū tsi̍t lâng sī ông ê jîn-sîn，tuì Ka-pik-lông lâi tsiū-kūn Iâ-so͘，in-uī i ê kiáⁿ tio̍h-pīⁿ siong-tiōng tit-beh sí，ǹg-bāng Iâ-so͘ uē khì i ê só͘-tsāi i-hó i.Nā-sī Iâ-so͘ tuì i kóng，"Lín nā bô khuàⁿ-kìⁿ sîn-jiah，tsiū lóng m̄ sìn. "

Hit ê jîn-sîn put-tsí pik-tshiat，ài Iâ-so͘ kuáⁿ-kín khì，kiaⁿ-liáu kiáⁿ uē sí.Iâ-so͘ kóng，"Lí tò-khì，lí ê kiáⁿ ua̍h lah. "Hit ê lâng tsiū thàn Iâ-so͘ ê uē.Tī lō͘-nih ū tú-tio̍h lô͘-po̍k lâi pò i kóng，"Lí ê kiáⁿ ua̍h lah. "I tsiū mn̄g i ê lō͘-po̍k kóng，"Sím-mi̍h sî hó？"Lô͘-po̍k ìn kóng，"Tsā-ji̍t kà tàu tsi̍t tiám tsing，jia̍t thè. "Hit ê lâng tsiū tsāi sī tú-tú Iâ-so͘ kóng，"Lí ê kiáⁿ ua̍h" ê sî.Tuì án-ni i tsuân-ke sìn Iâ-so͘.

Siat-sú lán ū sím-mi̍h kan-khó͘ ê tāi-tsì，tio̍h uá-khò Iâ-so͘ tsiah uē tit-tio̍h pîng-an.

思羅安台語點字網站