《耶穌言行錄》

| | | 轉寄

Tē-23-tsiuⁿ,Iâ-so͘ tī Ná-sat-li̍k

作者 Ko Kim-sing. 2008.09.14

(Má-thài 13：54-58；Má-khó 6；1-6； Lō͘-ka 4：16-30）
Tuì hit-tia̍p Iâ-so͘ tò-khì Ná-sat-li̍k，ài tī hia knog2 tō-lí hō͘ lâng thiaⁿ.An-hioh-ji̍t ji̍p huē-tn̂g.Huē-tn̂g sī Iû-thài lâng ê lé-pài-tn̂g.Ta̍k lé-pài tuāⁿ-tio̍h ê tsheh tio̍h tha̍k，hit ji̍t só͘ tha̍k ê，sī Í-sài-a ê tsheh，kóng，"Tsú ê sîn í-king lîm-kàu guá，só͘-í īng buah-iû siat-li̍p guá lâi tuân hok-im tī sòng-hiong lâng；tshe guá lâi i siong-sim ê lâng；lâi pò hō͘ lâng lia̍h ê tsai thang tit-tio̍h pàng，tshiⁿ-mî ê tsai thang tit-tio̍h khuàⁿ-kìⁿ；ia̍h tshe guá tháu-pàng ai-tshám ê lâng，pò-iông Tsú huaⁿ-hí ê nî. "

Siōng-tè ê Sìng Sîn bi̍k-sī Í-sài-a siá án-ni，tsiū-sī tāi-sing tshàm-gú Iâ-so͘；taⁿ Iâ-so͘ só͘ tsuè ê tāi-tsì lóng-tsóng ìng-giām tsit tsat Sìng-tsheh，in-uī I sī lâi thuân hok-khì ê siau-sit，I-hó phuà-pīⁿ，au-uì sìn I ê lâng.Iâ-so͘ tha̍k hit tsat bîng-pi̍k，tsheh tsiū ha̍p teh，kau hō͘ kuán huē-tn̂g ê lâng.Iâ-so͘ tsiū tiàm the tsē，ta̍k ê lâng kā i kim-kim-siòng.I tsiū tuì hiah ê lâng kóng，"Lín só͘ thiaⁿ-kìⁿ tsit ê Sìng-king，kin-á-ji̍t ū ìng-giām.
"Hiah ê lâng bô tsun-tiōng Iâ-so͘，Iâ-so͘ ū ín Í-lī-a kap Í-lī-sa ê sū lâi kíng-kài in.

Huē-tn̂g tsìng-lâng thiaⁿ-kìⁿ tsiah ê uē，tuā-tîm siū-khì；kui-kûn khí-lâi kuáⁿ I tshut siâⁿ-guā，thua I kau3suann-piⁿ，ài tshia I lo̍h-khì.Iâ-so͘ king-kè kiâⁿ tī tsìng-lâng ê tiong-kan lī-khui in khì.

Tsit-tia̍p Iâ-so͘ ia̍h sī ài sè-kan lâng thiaⁿ I ê hok-im，ǹg-bāng uē- sìn，khó-sioh tsuē-tsuē lâng tshin-tshiūⁿ Ná-sat-li̍k lâng ê khuán，m̄-khíng thiaⁿ Iâ-so͘ ê uē，m̄ tsiap-la̍p Iâ-so͘ tsuè in ê Kiù-tsú.Iâ-so͘ m̄-khíng íng-íng thìng-hāu in，ū-sî hut-jiân lī-khui in，tshin-tshiūⁿ lī-khui Ná-sat-li̍k ê lâng.

思羅安台語點字網站