《耶穌言行錄》

| | | 轉寄

Tē-24-tsiuⁿ,Thó-hî ê tāi-tsì

作者 Ko Kim-sing. 2008.09.21

（Má-thài 4：18-22；Má-khó 1：16-26； Lō͘-ka 5：1-11）
Ū tsi̍t ji̍t，Iâ-so͘ khiā tī Ka-lī-lī ê hái-kîⁿ kóng tō-lí，lâng tsin-tsuē the thiaⁿ；ū nn̄g tsiah thó-hî tsûn pha-teh，tsûn-tíng bô lâng tī-teh，ū tsiūⁿ-huāⁿ lâi sué bāng.

Tsi̍t tsiah sio̍k tī Se-bûn.Hit ê Se-bun tsiū-sī An-tik-lia̍t ê hiaⁿ-tī，tsîng An-tik-lia̍t bat tshuā i lâi lìⁿ Iâ-so͘.Iâ-so͘ tsiū lo̍h i ê tsûn，kah i lio̍h-lio̍h-á khui；tsiū tsē-the kóng tō-lí kà-sī huāⁿ-tíng the khiā ê lâng.Iâ-so͘ knog2 suah，vhiu7 kah Se-bûn pàng tsûn khah khui pha-bāng thó-hî.Se-bûn ìn kóng，Sian-siⁿ，guan thong-m̂ tio̍h-buâ，lia̍h lóng bô，nā-sī tsiàu lí ê uē，guán tio̍h pha-bāng.Hit-tia̍p pha-bāng thó tio̍h hî tsin-tsuē，bāng kàu beh li̍h，tsiū tsio pa̍t tsiah tsûn lâi pang-tsān，nn̄g tsiah tsûn tsài hî kàu beh tîm-lo̍h-khì.Án-ni sī hián-bîng Iâ-so͘ ê tuā kuân-lîng，ia̍h sī hián-bîng thiàⁿ I ê ha̍k-sing ê sim.Se-bûn Pí-tik khuàⁿ-kìⁿ án-ni，tsiū phak tī Iâ-so͘ ê kha-ē，kóng，"Tsú ah，tio̍h lī-khui guá，guá sī ū tsuē ê lâng；"kóng án-ni，in-uī tsai Iâ-so͘ ê tsun-kuì，só͘-í siūⁿ ka-kī buē kham-tit Iâ-so͘ kap i tiàm.Iâ-so͘ tsai Pí-tik ê sim，tsiah kóng，"M̄-sài kiaⁿ；liáu-āu lí uē tit-tio̍h lâng. "Tse sī tsí Pí-tik tsuè thuân-tō ê kang，tit-tio̍h lâng tsuè Iâ-so͘ ê ha̍k-sing，tshin-tshiūⁿ tit-tio̍h hî hiah tsuē.Se-bûn kap tâng-phuāⁿ thua tsûn uá-suaⁿ，lóng-tsóng pàng-sak，lâi tè Iâ-so͘.Iâ-so͘ kiâⁿ bô luā-hn̄g koh khuàⁿ-kìⁿ nn̄g ê thó-hî lâng，tsi̍t ê miâ Ngá-kok，tsi̍t ê miâ Iok-hān，hiaⁿ-tī-á kap in lāu-pē tī tsûn-nih the pó͘ bāng.Iâ-so͘ tsio in，suî-sî lī-khui pē lâi tè Iâ-so͘.Lán tio̍h o̍h tsiah ê ha̍k-sing ê khuán，ta̍k hāng thàn Iâ-so͘ ê bīng-līng，tsiah uē tit-tio̍h hok-khì.

思羅安台語點字網站