《耶穌言行錄》

| | | 轉寄

Tē-25-tsiuⁿ,Kuáⁿ-kuí

作者 Ko Kim-sing. 2008.09.28

（Má-khó 1：21-28；Lō͘-ka 4：31-37）
Iâ-so͘ kàu Ka-pik-lông tú-tio̍h An-hioh-ji̍t，ji̍p huē-tn̂g kà-sī lâng.Tī huē-tn̂g-nih，ū tsi̍t lâng huān-tio̍h siâ-sîn，kio kóng，"Ná-sat-li̍k lâng Iâ-so͘ ah，guá kap lí sím-mi̍h kan-sia̍p，lí lâi beh pāi-huāi guá mah？Guá tsai lí sī tsī-tsuī，sī Siōng-tè ê sìng ê. "Iâ-so͘ khuàⁿ-kìⁿ hit ê lâng tsin kan-khó͘，tsiū khó-lîn i，só͘-í tsik-pī siâ-kuí，kóng，"Tsīng-tsīng tshut-lâi. "Siâ-kuí khiú-la̍k hit ê lâng，tuā siaⁿ kiò，tsiū tshut-lâi.Tsìng-lâng khuàⁿ-kìⁿ tsit ê yāi-tsì，put-tsí kî-kuài，tuì án-ni miâ-siaⁿ tī Ka-lī-lī muá sì-kuè.

Iâ-so͘ tiàm sè-kan ê sî，Siōng-tè tsún siâ-sîn khó͘-tshó͘ lâng ê sing-khu，tsi̍t hāng sī tsik-pī lâng，koh tsi̍t hāng，sī hō͘ Iâ-so͘ thang hián-bîng I ê kuân-lîng khuì-la̍t khah-iâⁿ Mô͘-kuí.

Kàu tsit sî Siōng-tè tsún siâ-kuí lâi khó͘-tshó͘ lâng á bô，lán bô tik-khak tsai；ū lâng phah-sǹg ū，ū lâng phah-sǹg lónh bô.Ū lâng kóng，kiám-tshái ū-si5u7，tsóng-sī khah hán-tit；nā-sī tsi̍t hāng lán thang bîng-bîng tsai，ka-kī nā bô siông-siông tî-hông，Mô͘-kuí uē sīng ki-huē ji̍p ê sim.

思羅安台語點字網站