《耶穌言行錄》

| | | 轉寄

Tē-27-tsiuⁿ,Piàn-suī—ê

作者 Ko Kim-sing. 2008.10.12

（Má-thài 9：1-8；Má-khó 2：1-12； Lō͘-ka 5：18-26）.
Iâ-so͘ koh khì Ka-pik-lông，kàu hia bô juā kú，lâng thiaⁿ-kìⁿ Iâ-so͘ lâi，tsiū tsuē-tsuē lâng uî-luî i ê tshù，thiaⁿ I kóng tō-lí.Teh kóng ê sî，ū sì ê lâng kng tsi̍t ê piàn-suī ê lâi.Hit lâng bô khuì-la̍t buē kiâⁿ，só͘-í in pîng-iú īng pho͘-kài kng i lâi，ài kiû Iâ-so͘ i-hó i.Lâng tsuē，kng buē-tit ji̍p，tsiū liân pho͘-kài kng tsiūⁿ tshù-tíng，thiah khang luī-lo̍h tī Iâ-so͘ ê bīn-tsîng.

Iâ-so͘ khuàⁿ-kìⁿ hiah ê lâng sìn tsin tuā，tsiū tuì piàn-suī ê kóng，"Suè-kiáⁿ，lí ê tsuē sià-bián lah. "In-uī sià-tsuē pí i-hó pīⁿ koh khah iàu-kín ê tāi-tsì，só͘-í Iâ-so͘ tāi-sing kóng tsit kú uē，jiân-au tsiū i-hó i ê pīⁿ.Ū Huat-lī-sài lâng thiaⁿ-kìⁿ Iâ-so͘ kóng tsit kú uē，m̄ sìn Iâ-so͘ si7Siong7-tè，tsiū àm-tsīⁿ kóng，"Siáⁿ-sū tshiàm-kuân lām-sám kàu án-ni？Siōng-tè í-guá，tsī-tsuī uē sià-bián lâng ê tsuē？Iâ-so͘ tsai in ê ì-sù kóng，"Lín siáⁿ-sū àm-tsīⁿ gī-lūn kóng，"Piàn-suī 5e tsuē sià，"á-sī kóng，"Khí-lâi giâ pho͘-kài kiâⁿ，"tá-lo̍h tsi̍t hāng khah khuài？

to̍k-to̍k hō͘ lín tsai Jîn-tsú tī tuē-nih ū kuân thang sià-bián tsuē；"tsiū kā piàn-suī ê kóng， "Guá bīng-līng lí khí lâi，giâ lí ê pho͘-kài tò-khì. "Hit ê lâng tsiū khí-lâi，tī tsìng-lâng ê bīn-tsîng giâ pho͘-kài tshut-khì，tsi̍t lō͘ o-ló Siōng-tè.Tsìng-lâng kî-kuài i，kui îng-kng Siōng-tè kóng，"Lán bē bat khuàⁿ-kìⁿ án-ni. "
Tsit tsiuⁿ sī kóng Iâ-so͘ ê kuân-lîng kap un-tián ê sū；lán ê lîng-hûn luán-jio̍k tshin-tshiūⁿ piàn-suī.Iâ-so͘ ū kuân-lîng thang kiù kiû I ê lâng，in-uī I bat kóng，"Huān-nā tio̍h-buâ，kan-khó͘ pē tāng-tàⁿ ê lâng tsiū-kūn guá，guá siúⁿ-sù lí pîng-an. "

思羅安台語點字網站