《耶穌言行錄》

| | | 轉寄

Tē-28-tsiuⁿ,Tsio Má-thài

作者 Ko Kim-sing. 2008.10.19

（Má-thài 9：9-13；Má-khó 2：14-17； Lō͘-ka 5：27-32）.
Ū tsi̍t ji̍t，Iâ-so͘ tuì hiòng-kuan-kháu king-kè，khuàⁿ-kìⁿ tsi̍t lâng tī hia the tsē，miâ kiò Má-thài，ia̍h ū miâ kio Lī-bī.Iâ-so͘ kiò i kóng，"Tè guá. "Má-thài liâm-piⁿ khí-sin，páng-sak i ê thâu-lō͘ lâi tè Iâ-so͘.Iâ-so͘ īng thian-kok ê hok-khì hō͘ i，sī khah-iâⁿ tuē-bīn-tsiūⁿ bān-hāng mi̍h.

Lán ing-kai tio̍h o̍h Má-thài，thiaⁿ Iâ-so͘ ê bīng-līng liâm-piⁿ thàn.Siat-sú ū sím-mi̍h thâu-lō͘ uē tsó͘-tòng lán buē-tit-thang tè Ia5s-o͘，tsiū tio̍h huaⁿ-hí pàng-sak，tsiah uē-tit-thang tsuè Iâ-so͘ ê ha̍k-sing.

Lī-bi tī in tshù pān tuā iân-sia̍h tshiáⁿ Iâ-so͘；ū tsiah ê thiu-hiòng ê lâng，ia̍h ū hiān-tsuē ê lâng saⁿ-kap tsē toh.Tha̍k-tsheh lâng，Huat-lī-sài lâng ki-tshì Iâ-so͘ ê ha̍k-sing kóng，"Lín kap lín ê sian-siⁿ tsham thiu-hiòng ê lâng，huān-tsuē ê lâng saⁿ-kap lim-tsia̍h sī tsáiⁿ-iūⁿ？Iâ-so͘ thiaⁿ-kìⁿ tsiū kóng，"Ióng-kiāⁿ ê lâng m̄-sái i-sing，phuàⁿ-pīⁿ ê tio̍h īng i；guá lâi m̄-sī tsio gī ê lâng，sī tsio huān-tsuē ê lâng huán-hué. "

思羅安台語點字網站