《耶穌言行錄》

| | | 轉寄

Tē-29-tsiuⁿ,Pit-sū-tāi ê tî

作者 Ko Kim-sing. 2008.10.26

（Iok-hān 5：1-16）
Liáu-āu Iû-thài lâng ê tsueh-kî，Iâ-so͘ tsiūⁿ Iâ-lō͘-sat-líng.Tī Iâ-lō͘-sat-líng，ū tsi̍t ê siâⁿ-mn̂g，hō͘-tsuè Iûⁿ-mn̂g；kūn hia ū tî，miâ kiò Pit-sū-tāi.Tî-piⁿ ū gō͘ ê lông，lāi-bīn put-sî ū pīⁿ ê lâng tiàm tī hia the thìng-hāu，ǹg-bāng tuì tî ê tsuí tit-tio̍h pīⁿ hó.

Ū tsi̍t ji̍t，Iâ-so͘ tuì tî-puⁿ king-kè，khuàⁿ-kìⁿ ū tsi̍t lâng tó-teh，sing-khu put-tsí luán-jio̍k，pīⁿ í-king saⁿ-tsa̍p-pueh nî.Kú-kú tī hia the thìng-hāu，taⁿ kai-tsài tú-tio̍h Iâ-so͘，Iâ-so͘ mn̄g i kóng，"Lí ài tit-tio̍h hó mah？"I in kóng，"Tsú ah，tsuí tín-tāng ê sî bô lâng hû guá lo̍h tî，kàu guá ka-kī lâi，tsiū pa̍t lâng í-king lo̍h-khì. "Iâ-so͘ kóng，"Lí khí-lâi，giâ pho͘-kài khì kiâⁿ. "Hit ê lâng thiaⁿ-kìⁿ Iâ-so͘ tsit-kú uē，liâm-piⁿ khí-lâi giâ pho͘-kài tò-khì.Hit ji̍t tú-tú sī An-hioh-jit，Iû-thài lâng khuàⁿ-kìⁿ i giâ mi̍h，tsiū bô huaⁿ-hí，kā i kóng，"an-hioh-ji̍t tsuè tsit 5e tāi-xtsi3 m̄-tio̍h. "I kóng，"Hit ê i-hó guá ê，kah guá án-ni.
"Hit ê lâng pún m̄-bat Iâ-so͘，thîng bô juā-kú tú-tio̍h Iâ-so͘ tī tiān nih.Iâ-so͘ kā i kóng，"Lí ê pīⁿ í-king hó，m̄-thang koh-tsài huān-tsuē，kiaⁿ-liáu tú-tio̍h tsai-ē koh-khah tāng. "Lâng iû-guân kiâⁿ m̄-tio̍h，m̄-khíng huán-hué tsuē，sí-āu lîng-hûn ê kan-khó͘，pi sing-khu pīⁿ-thiàⁿ ê kan-khó͘ koh-khah tshám.

Tsit lâng tshut tiān kā Iû-thài lâng kóng，i-hó i ê tsiū-sī Iâ-so͘.Iû-thài lâng thiaⁿ-kìⁿ put-tsí siū-khì，beh hāi-sí Iâ-so͘.

Tsit hāng sū thang īng lâi pí-phīng Sìng-tsheh kóng ê tō-lí.Sat-ka-lī-a kóng，"Āu-lâi uē khui tsuí-tsuâⁿ hō͘ Tāi-pi̍t ê m̄-tio̍h，tû-khì in pún-jiân ê ù-uè. "Taⁿ Sìng-tsheh só͘ kóng tsit hō ê uē sī tsí Iâ-so͘，tshin-tshiūⁿ pa̍t só͘-tsāi kóng，"Siōng-tè ê Kiáⁿ Iâ-so͘ Ki-tok ê huih sué-tû lóng-tsóng ê tsuē-kuà"（Sat-ka-lī-a 13：1；I Iok-hān 1：7）.

思羅安台語點字網站