《耶穌言行錄》

| | | 轉寄

Tē-31-tsiuⁿ,Siat-li̍p tsa̍p-jī sù-tô͘

作者 Ko Kim-sing. 2008.11.09

（Má-thài 10：1-42；Má-khó 3：13-17； Lō͘-ka 6：12-16）.
Iâ-so͘ tsiūⁿ suaⁿ，thong-mî kî-tó Siōng-tè.Thiⁿ kng ū kiò ha̍k-sing，kíng tsa̍p-jī lâng tsuè sù-tô͘.In ê miâ tsiū-sī Se-bûn Pí-tik kap i ê hiaⁿ-tī An-tik-lia̍t，Ngá-kok kap i ê hiaⁿ-tī Iok-hān，koh Hui-li̍k，Má-thài，Pa-to-lô-mái，To-má，A-li̍k-hui ê kiáⁿ Ngá-kok，Se-bûn tshing-tsò Se-lo-tí，Ngá-kok ê hiaⁿ-tī Iû-tāi，Ka-lio̍k lâng Iû-tāi（tsiū-sī buē sian-siⁿ ê）.Tsí tsa̍p-jī ê ha̍k-sing ê tiong-kan，gō͘ lâng ê miâ í-king kóng liáu；sì lâng sī Iâ-so͘ tī Ka-lī-lī hái-kîⁿ tsio ê.Iâ-so͘ hō͘ tsiah ê lâng kun-suî I，tshe in thuân tō-lí；koh siúⁿ-sù in ū i-pīⁿ kuáⁿ kuí ê kuân-pìng.Bīng-līng in tio̍h tāi-sing thuân tō-lí tī Iû-thài lâng，tshut-mn̂g m̄-sái tuà só͘-huì，in-uī tsuè kang tit-tio̍h kang-tsîⁿ sī ha̍p-gî.Koh tuì in kóng，in uē hō͘ sè-kan lâng iàm-tsiān，kū-tsua̍t，hām-hāi；tsóng-sī m̄-sái kiaⁿ，tuì-ti̍k uē hāi sing-khu，buē hāi lîng-hûn；nā siông-siông thun-lún，kàu lō͘-bé uē tit-tio̍h kiù.Līng-guā īng tsuē-tsuē uē khǹg in，tsiah tsiok-hok hō͘ in khì.Lâng hō͘ Iâ-so͘ só͘ tshe，tio̍h tsai khah-siông buē bián-tit kan-khó͘，nā-huaⁿ-hí kam-guān sîng-siū，uē hióng-siū thian-kok ê hok-khì.

思羅安台語點字網站