《耶穌言行錄》

| | | 轉寄

Tē-36-tsiuⁿ,Pé-tsóng

作者 Ko Kim-sing. 2008.12.14

（Má-thài 8：5-13；Lō͘-ka 7：1-10）.
Iâ-so͘ kà-sī peh-sìⁿ kóng suah，tsiū ji̍p Ka-pik-lông.Ū tsi̍t ê pé-tsóng，i só͘ thiàⁿ ê lô͘-po̍k phuà-pūⁿ the-beh sí，hong-siaⁿ thiaⁿ-kìⁿ Iâ-so͘ ê tāi-tsì，tsiū tshe Iû-thài ê tiúⁿ-ló，kuí-nā lâng khì kiû I lâi i-hó i ê lô͘-po̍k.Iâ-so͘ thiaⁿ-kìⁿ tsiū kóng，Guá beh khì kìⁿ i.Lī tshù bô juā-hn̄g，pé-tsóng tshe i ê pîng-iú tsiū-kūn Iâ-so͘ kóng"Tsú m̄-thang tio̍h-buâ kàu guá tau，guá m̄-káⁿ tng，ia̍h tsiū buē kham-tit tsiū-kūn lí，lí nā-sái kóng tsi̍t kù，guá ê lô͘-po̍k tsiū hó. "Iâ-so͘ thiaⁿ-kìⁿ tsiū kā tè I ê lâng kóng，"Tī Í-sik-lia̍t lâng ê tiong-kan，bē bat khuàⁿ-kìⁿ lâng sìn kau3an2-ni. "Koh kā pé-tsóng kóng，"Tsiáu lí ê sìn uē tit-tio̍h tsiâⁿ. "Só͘ tshe ê lâng tò-tńg khì，khuàⁿ-kìⁿ lô͘-po̍k í-king ióng-kiaⁿ.

Lán khuàⁿ pé-tsóng ê khuán-sit，si̍t-tsāi ū hó ê bô͘-iūⁿ hō͘ lán thang o̍h.I tsuè tsú-lâng，sī put-tsí kong-tō khuán-thāi lô͘-po̍k；tsuè kuaⁿ，ia̍h gâu thiàⁿ peh-sìⁿ；iáu-kú ū koh-khah thang khó-tshú ê，tsiū sī i sìn Iâ-so͘ ê kuân-lîng，koh hián-bîng khiam-sùn ê sim，put-tsí kìng-tiōng Iâ-so͘，lia̍h I tsuè tsun-kuì.

思羅安台語點字網站