《耶穌言行錄》

| | | 轉寄

Tē-37-tsiuⁿ,Ná-in ê tsiú-kuáⁿ lâng

作者 Ko Kim-sing. 2008.12.21

（Lō͘-ka 7:11-17）
Kè-ji̍t，Iâ-so͘ khì tsi̍t ê siâⁿ miâ Ná-in，I ê Ha̍k-sing tsham tsuē-tsuē lâng kap I saⁿ-kap khì.Kūn siâⁿ-mn̂g tú-tio̍h lâng kng sí-lâng tshut；sí-lâng ê lāu-bú sī tsiú-kuáⁿ lâng，ko͘-tuaⁿ siⁿ tsi̍t ê kiáⁿ nā-tiaⁿ；siâⁿ-nih ê peh-sìⁿ tsuē-tsuē sàng-tsòng.Tsú khuàⁿ-kìⁿ sí-lâng ê lāu-bú lîn-bín i，kā i kóng，"Bo̍h-tit thî-khàu. "Tsiū kūn-uá lâi kóng，"Siàu-liân lâng ah，guá kā lí kóng，Tio̍h khí—lâi. "Hit ê sí-lâng tsiū khí-lâi tsē，koh kóng-uē；Iâ-so͘ tsiong i kau hō͘ i ê lāu-bú.Tsìng-lâng kiaⁿ-hiâⁿ kui îng-kng tī SIōng-tè kóng，"Tuā ê sian-ti lâng ū hing-khí tī lán ê tiong-kan. "In o-ló Siōng-tè，tsit hāng put-tsí tio̍h，iáu-kú ū khiàm-kheh，in-uī put-kò sī lia̍h Kiù-tsú tsuè sian-ti.Kî-si̍t Kiù-tsú sian-ti tsing-tsua̍h put-tsí hn̄g.Peh-sìⁿ hit-sî káⁿ bat siūⁿ Í-lī-a，Í-lī-sa só͘ kiâⁿ.In sui-bóng bat hō͘ lâng tuì sí koh-ua̍h，m̄-sī tuì ka-kī ê kuân-lîng，sī tuì pik-tshiat kî-tó.Iâ-so͘ tok8tok8 tshut ka-kī ê bīng-līng，thang tsai Iâ-so͘ tsin-tsiàⁿ sī Siōng-tè.

Lán khuàⁿ tsāi-tsá Kiù-tsú hō͘ Ná-in ê siàu-liân lâng koh-ua̍h，si̍t-tsāi sī kî-īⁿ ê sū，ia̍h sī tshut tī lâng ǹg-bāng ê í-guā.Taⁿ lán tsit-tia̍p huān-tsuē khuán-sit tsin-tshiūⁿ sí，to̍k-to̍k thiaⁿ Kiù-tsú ê siaⁿ，tit-tio̍h I tîng-thâu-siⁿ lán ê sim，ia̍h uē sǹg tsuè sī tit-tio̍h koh-ua̍h ê lâng.Lán nā tsai ka-kī tit-tio̍h tsit hō ê un-tián，īng-kai tio̍h tshim kám Siōng-tè ê un，tshin-tshiūⁿ hit-sî peh-sìⁿ ū kui îng-kng tī Siōng-tè.

思羅安台語點字網站