《耶穌言行錄》

Tē-3-tsiunn,Sat-ka-lī-a，Í-lī-sa-pik

作者 Ko Kim-sing.

listen


（Lōo-ka 1：1-23）Hi-lu̍t tsuè ông ê sî，ū tsi̍t ê tsè-si miâ Sat-ka-lī-a，I ê bóo miâ Í-lī-sa-pik.Tsí nn̄g lâng sī tsiàu Siōng-tè ê bīng-līng lâi kiânn，lóng bô thang hiâm.Nn̄g ê í-king lāu ia̍h bô kiánn.Sat-ka-lī-a kiânn tsè-si ê tsit，ū-sî sio-hiunn，ū-sî hiàn-tsè，i ê hiàn-tsè sī tsīn-sim，siông-siông kì-tit sóo hisn3 ê tsing-sinn，sī kuan-tsiò Siōng-tè ê Îunn-ko beh lâi sio̍k-huê lâng ê tsuē.

Ū tsi̍t ji̍t，Sat-ka-lī-a tī Siōng-tè ê tiān sio-hiunn，ū thinn-sài tshut-hiān khiā tī hiunn-tuânn ê tsiànn-pîng，Sat-ka-lī-a khuànn，tsin kiann.Thinn-sài kóng，"Sat-ka-lī-a ah，m̄-sái kiann，lí ê kî-tó í-king thiann-kìnn lah，lí ê bóo Í-lī-sa-pik uē sinn kiánn，lí tit-beh huann-hí khuài-lo̍k，tsuē-tsuē lâng ia̍h huann-hí.I tit-tio̍h Sìng Sîn muá-muá，uē hōo Í-sik-lia̍t lâng tsuē-tsuē tò-tńg lâi kui tī Tsú.

"Sat-kak-lī-a thiann-kìnn tsit ê siau-sit tsin huann-hí，tsóng-sī ū gî-ngái kóng，"Tsáinn-īunn uē án-ni，in-uī nn̄g lâng lāu？"Thinn-sài ìn kóng，"Guá tsīu-sī Ka-pik-lia̍t，khiā tī Siuāng-tè ê bīn-tsîng ê，hōng-tshe lâi tsí-sī lí，pò lí tsit ê hó siau-sit；tann lí uē é-káu buē kóng-uē，kàu tsit ê tāi-tsì tsiânn ê ji̍t tsiah suah；in-uī lí m̄-sìn guá sóo kóng--ê；nā-sī hit ê uē，sî kàu tik-khak ìng-giām. "

Thinn-sài tsīu khì；Sat-ka-lī-a liâm-pinn é-káu.Peh-sìnn tī guā-bīn the thìng-hāu，kî-kuài i hiah kú tī tiān-lāi，kàu tshut-lâi buē kóng-uē，peh-sìnn tsīu tsai tī tiān-lāi tik-khak ū khuànn-kìnn sím-mi̍h.

Tann tsit sî Siuān-tè bô tshin-tshīunn tsá tshe thinn-sài tsí-sī lán，sī īng Sìng-tsheh.Sóo-í lūn Sìng-tsheh sóo kà-sī lán ê uē，lán tio̍h īng khiam-pi ê sim，lâi kîu Sìng Sîn pang-tsān lán uē bîng，ia̍h uē sìn，in-uī sóo ìng-ún ê líng uē tsiânn，ia̍h sī put-tsí kuan-sia̍p lán ê tāi-tsì.

思羅安台語點字網站