《耶穌言行錄》

Tē-4-tsiunn,Tsāi-sik-lú Má-lī-a

作者 Ko Kim-sing.

listen

（Lōo-ka 1：26-56）Koh bô luā-kú，thinn-sài Ka-pik-lia̍t hōng Siōng-tè tshe kàu Ná-sat-li̍k kìnn tsāi-sik-lú Má-lī-a，pò i tsin hó ê siau-sit，kóng，"Tit-tio̍h un-tián ê lâng ah，tshíng-an lí，Tsú pì-īu lí，tsìng hū-jîn-lâng ê tiong-kan lí ū hok-khì ah. "Má-lī-a khuànn-kìnn，kî-kuàn i kóng，"Má-lī-a m̄-sái kiann，lí ū tit-tio̍h Siōng-tè ê un-tián，the-beh ū sin-īn lâi sinn kiánn，tio̍h piáu-miâ Iâ-soo. "Má-lī-a kā thinn-sài kóng，"Guá bē tshut-kè，án-tsáinn-īunn uē án-ni？

"Thinn-sài ìn kóng，Sìng Sîn the-beh lîm-kàu lí，Tsì-kuâinn ê khuì-la̍t the-beh tì-ìm lí，sóo-í lí sóo sinn hit ê sìng ê uē tshing-hoo tsuè Siōng-tè ê Kiánn.Koh lí ê tshin-tshik Í-lī-sa-pik lāu ia̍h huâi-īn，pîng-sòo tshing-tsuè buē sing-sán，tann í-king ū la̍k ge̍h-ji̍t lah.Siōng-tè bô sóo m̄ uē.Má-li-a kóng，"Guá sī Tsú ê lú-pī，guān tsiàu lí ê uē.

"Hit sî Má-lī-a liâm-pinn khì suann-nih kàu Í-lī-sa-pik tau，tshíng-an i，kap i sann-kap huann-hì，sann-kap kám-siā Siōng-tè.

Tshin-tshīunn án-ni，lán kap tsin-lâng pîng-íu sann-kau-puê，tio̍h o̍h in nn̄g lâng ê khuán-sit，put-lūn ū tit-tio̍h Siōng-tè sìm-mi̍h hō ê un-tián，tio̍h sann-kap kám-un o-ló.Má-lī-a tuà tī hia sann ge̍h-ji̍t kú tsiah tò--khì.Tsiàu án-ni khuànn，Má-lī-a tit-tio̍h tuā hok-khì，lónh m̄-sī tuì i ka-kī ê khuì-la̍t，sī Siōng-tè pe̍h-pe̍h ê un-tián.I kap lán pînn-pînn tio̍h khò Kìu-tsú tsiah uē tit-tio̍h kìu，in-uī i ia̍h sī luán-jio̍k ê lâng nā-tiānn.

思羅安台語點字網站