《耶穌言行錄》

| | | 轉寄

Tē-39-tsiuⁿ,Pē tāng-tàⁿ

作者 Ko Kim-sing. 2009.01.04

（Má-thài 11:28-30）
Iâ-so͘ khǹg lâng tsiū-kūn I kóng，"Huān-nā tio̍h-buâ kan-khó͘ pē tāng-tàⁿ ê tio̍h tsiū-kūn guá，guá siúⁿ-sú lín pîng-an. "Sè-kan ū iu-būn，pīⁿ-thiàⁿ，sù-sit，sòng-hiong，í-ki̍p tsuē-tsuē hāng tsai-lān ê sū，oh-tit tam-tng，oh-tit thun-lún.Tse tsiàu lâng khuàⁿ，uē kóng sī tāng-tàⁿ，tsóng-sī ū tsi̍t hō khah tāng ê tàⁿ，tsiū-sī lâng ê tsuē.Tsit hō tàⁿ lâng-lâng ū，nā-sī ū ê lia̍h tsuè bô tāng.Lâng nā tsai tsuē，tsiū tsai tsit ê tàⁿ ka-kī pē buē khí.Hit hō lâng nā tsiū-kūn Iâ-so͘，Ia-so͘ uē tû-khì i ê tsuē，ná tshin-tshiūⁿ thǹg i ê tàⁿ.Iâ-so͘ koh kóng，"Guá un-jiû khiam-sùn，pē guá ê taⁿ lâi o̍h guá，tsiū lí ê sim uē pîng-an；in-uī guá ê taⁿ sī khuài，guá ê tàⁿ sī khin. "Tsit só͘-tsāi só͘ kóng，m̄-sī kóng lán tsiū-kūn Iâ-so͘，tsiū tī tsit sè-kan lóng-tsóng bián-tit kan-khó͘，sī hoo7lan2 tsai，nā tú-tio̍h，ū an-uì ê só͘-tsāi.

思羅安台語點字網站