《耶穌言行錄》

| | | 轉寄

Tē-42-tsiuⁿ,Gōng hó-gia̍h lâng ê phì-jū

作者 Ko Kim-sing. 2009.01.25

(Lō͘-ka 12:13-21).
Ū tsi̍t lâng tsiū-kūn Iâ-so͘，kiû I kóng，"Sian-siⁿ，tio̍h huan-hù guá ê hiaⁿ-tī kap guá pun sī-tuā-lâng ê ki-gia̍p. "Iâ-so͘ m̄ tshap tsit ê tāi-tsì，nā-sī sīng-ki lâi khǹg lâng m̄-thang tham-sim，in-uī sè-kan ê ki-gia̍p buē-tit-thang uá-khò-tit；tsiū siat phì-jū kóng，"Ū hó-gia̍h lâng thó͘-tuē siⁿ-thuàⁿ tsuē-tsuē，khuà-lū kóng，"Guá ū thó͘-sán bô só͘-tsāi thang tún，taⁿ beh tsáiⁿ-iūⁿ tsuè？"Koh kóng，"Tio̍h thiah guá ê tshik-tshng，khí khah-tuā ê，lâi tún pah-hāng gō͘-kak，hè-mi̍h；tsiū ka-kī phah-sǹg kóng，"Guá ū tsuē- tsuē mi̍h，tsik-tsū tsuè li̍k-nî ê lō͘-īng，sim tsiū thang pîng-an lim-tsia̍h huaⁿ-hí. "Siōng-tè kóng，"Bû-ti ê lâng，kin-mî beh thó lí ê lîng-hûn，só͘ pī-pān ê kui tī tsī-tsuī-á？"Huān-nā tsik tsîⁿ-tsâi tī ka-kī，ia̍h tī Siōng-tè ê bīn-tsîng bô hó-gia̍h，sī tshin-tshiūⁿ án-ni. "

Sìng-tsheh kóng，"Tsîⁿ-tsâi，mi̍h-kiāⁿ sui-jiân tsuē，m̄-thang lia̍h tsuè îng-kng，koh m̄-thang uá-khò. "

Tsîⁿ-tsâi buē kú-tn̂g，ū-sî khuài-khuài sit-lo̍h，sí ê ia̍h buē tuà khì，tshin-tshiūⁿ Sìng-tsheh kóng，"Lán tshut-sì bô tuà sím-mi̍h lâi，kè-sì ia̍h bô tuà sím-mi̍h khì. "Lán tio̍h kiû Siōng-tè hō͘ lán sim ǹg tī thiⁿ-nih，m̄-sái ǹg tī tuē；kàu sí ê sî uē tit-tio̍h îng-kng ê bián-liû，bô pāi-huāi，bô lâ-sâm，bô huè-bô ki-gia̍p.

思羅安台語點字網站