《耶穌言行錄》

| | | 轉寄

Tē-43-tsiuⁿ,Bû-hua-kó tshiū

作者 Ko Kim-sing. 2009.02.01

(Lō͘-ka 13:6-9).
Iâ-so͘ koh kóng tsi̍t ê phì-jū，kóng，"Ū lâng tsai bû-hua-kó tshiū tī i ê phû-tô-hn̂g nih，lâi tshē ké-tsí，buē tit-tio̍h；tsiū kā kò͘ hn̂g ê lâng kóng，"Guá saⁿ nî lâi tshē ké-tsí buē tit-tio̍h，m̄-ta̍t-tio̍h tshò lo̍h-lâi，bô hō͘ i tìn só͘-tsāi.
"Kò͘ hn̂g ê ìn kóng，"Tsú ah，kin-nî bóng koh iông-ún，hō͘ guá sì-uî ku̍t-sang ìng-puî. "kiám-tshái uē kiat ké-tsí；nā bô，jiân-āu tsiah tshò lo̍h-lâi. "

Tsit ê phì-jū kap lán ta̍k lâng ū kan-sia̍p.Siōng-tè sī hn̂g-tsú，lán sī bû-hua-kó tshiū.Siōng-tè put-sî the khuàⁿ lán ê sim ū siⁿ ké-tsí á bô.

Lâng tsīn sim thiàⁿ Siōng-tè，uē tit-tio̍h Sìng Sîn ê pang-tsān tsiah uē kiat tsí. "Sìng Sîn ê ké-tsí sī jîn-ài，huaⁿ-hí，hô-pîng，thun-lún，tsû-pi，siân-liông，tiong-sìn，un-jiû，tsún-tsat. "Siat-sú bô tsit hō ê ké-tsí，tsiàu kong-tō tio̍h siū tsâu-bia̍t，kai-tsài ū Kiù-tsú tī-teh，tshin-tshiunn7koo3-hn̂g ê thuè lán kiû khuan-ān.Tsóng-sī só͘ ān ê m̄-sī put-tsí kú，tshin-tshiūⁿ tsit só͘-tsāi kóng，"Kin-nî bóng iông-ún. "Só͘-í tio̍h thàn ki-huē kiat-tsí，nā bô，hîng-hua̍t khuài-khuài uē kàu.

思羅安台語點字網站