《耶穌言行錄》

| | | 轉寄

Tē-44-tsiuⁿ,Iā tsíng-tsí ê phì-jū

作者 Ko Kim-sing. 2009.02.08

(Má-thài 13:3-23;Má-khó 4:1-20; Lō͘-ka 8:5-15.)
Iâ-so͘ koh īng phì-jū kóng，"Ū iā tsíng-tsí ê tshut-khì iā tsíng-tsí.Iā ê sî ū-ê ka-la̍uh tī lō͘-piⁿ，tsiau-á kàu lóng tsia̍h i.Ū-ê ka-la̍uh tī tsio̍h-tuē，hit ê thô͘ bô tshim，huat-gê khiok sī kín，nā-sī thô͘ bô tshim，ji̍t tshut pha̍k i，bô kun tsiū kô͘-tâ khì.Ū-ê ka-la̍uh tī tshì-á-lāi，tshì-á huat-khí lâi jia-pè i.Ū-ê ka-la̍uh tī puî tuē，ū-ê tsi̍t-pah pē，ū-ê la̍k-tsa̍p pē，ū-ê saⁿ-tsa̍p pē.
"Iâ-so͘ îng ê sî，tè ê lâng kap tsa̍p-jī ê ha̍k-sing mn̄g phì-jū ê kué-seh.Iâ-so͘ kóng，"Iā tsíng-tsí ê sī pò-iông tō-lí.Iā tī lō͘-piⁿ ê sī tshin-tshiūⁿ thiaⁿ tō-li，Sat-tàn liâm-piⁿ kàu，tsiong iā tī sim-nih ê tshiúⁿ-khì.Iā tī tsio̍h-tuē ê，sī tshin-tshiūⁿ lâng thiaⁿ tō-lí tsiū huaⁿ-hí siū；nā-sī lāi-bīn bô kun，tsiū ia̍h tsiām-sî nā-tiāⁿ，kàu in-uī tō-lí tú-tio̍h huān-lān khún-tio̍k，liâm-piⁿ iàm-tsiān khì-sak i.Iā tī tshì-á tiong-ng ê，sī tshin-tshiūⁿ lâng thiaⁿ tō-lí，tsit sè-kan ê kiáu-jiáu，hè-tsâi ê bê-hi̍k，su-iok huat-khí tín-tāng，jia7pe3 hit ê tō-lí kàu buē kiat-si̍t.Iā tī puî-tuē ê，sī tshin-tshiūⁿ lâng thiaⁿ tō-lí，siu i kàu kiat-tsí，ū saⁿ-tsa̍p pē，la̍k-tsa̍p pe̍，pah pē.”Iâ-so͘ kóng án-ni ū hun-piat sù tíng-hō ê lâng，lán tio̍h ka-kī síng-tshat khuàⁿ lán tsuè tah-lo̍h tsi̍t hō.Siat-sú lán ài siū tō-lí tshin-tshiūⁿ puî-tuē，tio̍h siông-siông kiû Siōng-tè pī-pān lán ê sim，koh īng Sìng Sîn kám-huà，tsiah uē kiat ké-tsí kui îng-kng tī Siōng-tè.

思羅安台語點字網站