《耶穌言行錄》

| | | 轉寄

Tē-5-tsiuⁿ,Kiâⁿ sué-lé Iok-hān tshut-sì

作者 Ko Kim-sing. 2008.05.11

Í-lī-sa-pik kàu sî siⁿ kiáⁿ，tshù-piⁿ,tshin-lâng thiaⁿ-kìⁿ Tsú tuā lîn-bin i,ia̍h lóng huaⁿ-hí.Kàu pueh ji̍t tsiū kā eⁿ-á kiâⁿ kat-lé.Tāi-ke ài īng inlau7-pē ê miâ lâi i,tsóng-sī i ê lāu-bú kóng，"M̄-thang，tio̍h miâ kiò Iok-hān. "Tāi-ke kóng，"Tshin-lâng tiong lóng bô tsit hō miâ，"tsiah pí mn̄g in lāu-pē ài kiò sím-mi̍h miâ.Lāu-pē suî-sî siá kóng，Iok-hān.Siá liáu liâm-piⁿ uē kóng-uē，tshut-siaⁿ o-ló Siōng-tè.Án-ni sī hián-bîng Sat-ka-lī-a ū sìn.I ê sim ia̍h tit-tio̍h Sìng Sîn muá-muá，uē kóng tsiong-lâi ê tāi-tsì，ia̍h kóng Siōng-tè ê thiàⁿ-thàng，kap Kiù-tsú ê tāi-tsì.

Eⁿ-á tsiām-tsiām tuā，tsing-sîn ióng-kiāⁿ，khiā-khí tī khòng-iá，kàu hián-bîng tī Í-sik-lia̍t peh-sìⁿ ê ji̍t.Sian-ti ū kóng，Ki-tok bē lâi ê tāi-sing ū tsi̍t ê sù-tsiá kā i pī-pān lō͘，tsiū-sī tsit ê lâng.

思羅安台語點字網站