《耶穌言行錄》

| | | 轉寄

Tē-52-tsiuⁿ,Iâ-so͘ kiâⁿ hái-bin

作者 Ko Kim-sing. 2009.04.05

（Má-thài 14：22-36；Má-khó 6：45-56； Iok-hān 6：16-21）
Kuí-nā tshing lâng tsia̍h-pá liáu-āu，Iâ-so͘ kah ha̍k-sing tāi-sing lo̍h tsûn，kè khì Ka-lī-lī hái，koh hō͘ tsìng-lâng sì-suàⁿ tò-khì，I ka-kī tsiūⁿ suaⁿ kî-tó. Ha̍k-sing tī hái-tiong tú-tio̍h tuā hong，íng put-tsí tuā，iô-ló͘ tsin kan-khó͘.

Iâ-so͘ sui-bóng tī suaⁿ-tíng，iáu-kú tsai tsit ê tāi-tsì，tsiah kiâⁿ hái-bin tsiū-kūn ha̍k-sing.
Ha̍k-sing khuàⁿ-kìⁿ tsiū kiaⁿ，Iâ-so͘ kóng，"Sī guá，m̄-sái kiaⁿ. " Pí-tik kóng，"Tsú ah，nā kó-jiân sī lí，tshiáⁿ lí kiò guá kiâⁿ tī tsuí-nih lâi tsiū-kūn lí. " Iâ-so͘ kóng，"Lâi，Pí-tik lī-khui tsûn，kiâⁿ tsuí-bin tsiū-kūn Iâ-so͘. Khuàⁿ-kìⁿ hong tsin thàu，íng put-tsí tuā，Pí-tik tsiū kiaⁿ，tit-beh tîm—lo̍h-khì，tsiū tuā siaⁿ kiò kóng，"Tsú ah，kiù guá. " Iâ-so͘ tsiū khan i ê tshiú kóng，"Sió-khuá sin ê lâng ah，siáⁿ-sū gî-ngái？"Tsiūⁿ tsûn ê sî，hong-íng tsiū suah. Ha̍k-sing pài Iâ-so͘ kóng，"Lí tsin-tsiàⁿ sī Siōng-tè ê Kiáⁿ. "

Lán khuàⁿ Pí-tik ê tāi-tsì tio̍h tsai sim sim nā ti̍t-ti̍t ǹg Iâ-so͘，tsiū tī guî-hiám ê tiong-kan ia̍h uē ún-tàng. Kiám-tshái bô ǹg Iâ-so͘，m̄-nā uē kiaⁿ，koh ū guî-hiám.

思羅安台語點字網站