《耶穌言行錄》

| | | 轉寄

Tē-53-tsiuⁿ,Īⁿ-pang ê hū-jîn-lâng

作者 Ko Kim-sing. 2009.04.12

（Má-thài 15：21-28；Má-khó 7：）
Iâ-so͘ khì Tshui-lô Se-tùn ê kíng-lāi.Ū tsi̍t ji̍t kap ha̍k-sing the kiâⁿ lō͘，tú-tio̍h tsit ê Ka-lâm hū-jîn-lâng kiû Iâ-so͘ kóng，"Tsú ah，Tāi-pi̍t ê hō͘-è，khó-lîn guá；guá ê tsa-bó͘-kiáⁿ huān-tio̍h siâ-sîn，put-tsí kan-khó͘. " Iâ-so͘ m̄ ìn i. Ha̍k-sing kóng，"Hū-jîn-lâng tī āu-bin the kiò，thang kah I khì. " Iâ-so͘ kóng，"Guá hōng-tshe sī beh kiù Í-sik-lia̍t ke sit-lo̍h ê iûⁿ. " Hit ê jū-jîn-lâng thiaⁿ-kìⁿ Iâ-so͘ kóng án-ni，koh tsìn-tsîng lâi pài Iâ-so͘，kiû kóng，"Tsú tio̍h pang-tsān guá. " Iâ-so͘ in kóng，"The̍h suè-kiáⁿ ê piáⁿ，hiat hō͘ káu sī m̄-tio̍k. "

Iû-thài lâng lia̍h īⁿ-pang tshin-tshiūⁿ káu，só͘-í Iâ-so͘ īng hit kù uē lâi tshì hū-jîn-lâng ê sim.

Hū-jîn-lâng thiaⁿ-kìⁿ Iâ-so͘ kóng án-ni，bô siū-khì，i kam-guān jīn ka-kī sī pi-tsiān，Iû-thài lâng sī tsun-kuì；koh tsai Iâ-so͘ ū tuā kuân-lîng，ū lîn-bín lâng ê sim，só͘-í kóng，"Tsú án-ni tio̍h；tsóng-sī suè-kiáⁿ tsia̍h-liáu，toh-ê ka-la̍uh ê piáⁿ-sut，káu ia̍h uē-tit-thang tsia̍h. " Iâ-so͘ thiaⁿ-kìⁿ hū-jîn-lâng kóng tsit kù uē，tsiū kóng，"Hū-jîn-lâng，lí ê sin tuā，tsiàu lí ê ì-ài thang tit-tio̍h. " Tuì hit-tia̍p tsa-bó͘-kiáⁿ hó.

Hū-jîn-lâng tò-khì，khuàⁿ-kìⁿ tsa-bó͘-kiáⁿ an-jiân tó tī bîn-tshn̂g--nih，tsai kuí í-king tshut.

Lán khuàⁿ tsit ê só͘-tsāi só͘ kì-tsài，tio̍h tsai lán ū sím-mi̍h khiàm-kheh，beh kiû Iâ-so͘，ing-kai tio̍h o̍h tsit ê hū-jîn-lâng ê sin，thun-lún，pik-tshiat. Lâng siat-sú uē án-ni，tik-khak uē tit-tio̍h Tsú ê lîn-bín si-un.

思羅安台語點字網站